Abbreviations Legenda | Symbols Legend

cadàtola, cadàtu, cadàtua, cadàtula, cadàtulu , nf, nm: caràtua Definition ispina molentina, ispina cixiredha o de caràtua (e fintzes de caràvua): genia de cardu chi faet una cranciofedha cun ses o sete ispinas apertas a istella Synonyms e antonyms cadalava, cadhatu, cadràmpula, castiaia, cixiredhu, colustídhiu, istrainabias 2. bella pitzoca: istocada, ca no nchi at ghetau mancu is ogus a s'ispina de cadàtua!…◊ pressi mera tenis… parit ca portas ispina de caràtua in is cariras! Scientific Terminology rba, Centaurea calcitrapa Translations French chardon étoilé English caltrop Spanish cardo estrellado Italian calcatréppola German Feldmannstreu.

colustídhiu , nm, nf: corastidha, corastidhu, coristidhu, corostidha Definition ispina molentina, ispina cixiredha o de caràtua, genia de erba chi faet una cranciofedha cun ses o sete ispinas apertas a istella chi dha faent assimbigiare a una genia de cardu Synonyms e antonyms cadalava, cadàtola, cixiredhu, istrainabias Sentences immoi no seus fuedhendu ni de cobiscu, ni de prunixedha e ni de corastidha Scientific Terminology rba, Centaurea calcitrapa Etymon srd. Translations French chardon étoilé English caltrop Spanish cardo estrellado Italian cardo stellato German Wiesenflockenblume.

istedhàdu , agt, nm: istedhau, stadhau Definition chi est totu istedhos, chi portat s'istedhu (nau de animale chi portat mància de àteru colore, in fronte o àtera parte); su chelu cun is istedhos Synonyms e antonyms filmamentu, istedhache, istedhaja Etymon srd. Translations French étoilé English starry (sky) Spanish estrellado Italian stellato German Sternen…

istédhu , nm: stedhu Definition astru lughente, inchesu, chi si biet in s'aera iscurigada, unu sole etotu (e dhue ndh'at chi funt meda prus mannos de su Sole) ma deasi atesu chi medas no si arrennescet a dhos bíere a ogu límpiu (e de cussos chi si bient dhue ndh'at medas chi funt galàssias)/ min. istedhighedhu; i. de chenadorzu, de orbèsciri, de prua a terra = itl. Vènere Synonyms e antonyms burtedhu, iltella, urtedhu 1 Sentences lughias che istedhu ◊ su mundhu est pienu de Satanassos che istedhos in s'aera ◊ che istedhu giaru in sa funtana lughet s'ispera ◊ intro meu che zuto su lugore de mizas de istedhos de s'aera 2. torra, bella, a sa fentana, ca un'istedhu ses tue! Scientific Terminology astr Etymon ltn. stella Translations French étoile English star Spanish estrella Italian stélla German Stern.

nòrte , nm Definition s'istedhu chi orruet ifilu de su polu nord e chi serbit de orientamentu in su logu a denote; fintzes destinu, logu o iscopu a ue si iat a bòllere lòmpere Sentences rutilante istella e norte de sa vida, nos sias cunfortu e guida! ◊ norte vivu e luminosu das in sa nave chi portas ◊ siades norte a s'umana tzeghidade! ◊ in su monte collocada servides de norte e ghia ◊ chi sa Musa ti siat giaru norte in sa vida! 2. grandhe campana, sempre piús forte repica in sas aeras de Ichnusa aviada animosa a menzus norte (P.Casu) Etymon spn. norte Translations French étoile polaire English polestar Spanish estrella del norte Italian stélla polare German Polarstern.

«« Search again