Abbreviations Legenda | Symbols Legend

connútu , nm: cundhutu, cundutu Definition genia de tubbu o canale ue passat calecuna cosa / cundutu de immundítzias (fogna), de muràglia, de terratzu po iscolai s'àcua a foras Synonyms e antonyms columberi 1, fumajolu Sentences custa no est ora de lassai andai àcua de su cundutu, ca sa cora passat aranti de s'enna mia! ◊ tantu lestra in cundhutu no curreit abba pro mover roda de molinu chei su mastru poltendhe a mie ◊ apo acatau is marengos acanta de su cundhutu de s'abba 4. Etymon ltn. conductumu Translations French conduit, tuyau English tube Spanish conducto Italian condótto German Rohrleitung.

iscólu , nm: scolu Definition logu inue essit calecunu lícuidu, su chi essit etotu; fundhurúgiu, pasadura de calecuna cosa in istrégiu; infetu a is arremos de sa natura chi faet essire coment'e mucu bianchixi e faet abbruxore forte candho passat s'orina / binu de i. = binu de iscupu, su frore de su mustu chi nche bocant a primu de su cupone Synonyms e antonyms cola 1, cundhutu / impestu, iscoladura, pérdida Sentences in dogni logu si formant iscolos chi current in caminos e costeras 2. cussu bagasseri bos giuro chi ndhe ghirat chin s'iscolu! Translations French tuyau d'écoulement English slap, drain Spanish sangradura, heces, lías Italian scólo German Abfluß.

launèdhas , nf pl: leonedhas, leunedhas, lionedhas, liunedhas Definition genia de aina antiga meda a tres cannas po sonare a suladura; in cobertantza, genia de idea mala, cosa chi si timet, mémula / partes de is l.: tumbu, mancosa, mancosedha, cabitzinu (croba, loba: tumbu + mancosa); cuntzertu (su c.) = unu giogu, totu is tres cannas; launedha de forrani = pipiriolu de fenu Synonyms e antonyms bísonas, bisones, bísosas, cannas, trubedhas / grima Sentences sos pitzinnos andhabant a fàchere leonedhas a una tanca de trídicu ◊ su danesu Bentzon at fatu istúdiu abberu mannu subra de sas launedhas! ◊ tiu Frori fut su mellus sonadori de launedhas 2. zeo fia contrària po cudha leonedha chi mi aiat intrau in conca sa biada Scientific Terminology sjl Etymon ltn. ligulella Translations French instrument de musique à vent sard, à trois tuyau en roseau et la bouche comme réservoir d’air English launedhas (typical reed-pipe of Sardinia) Spanish instrumento músico de trés tubos típico de Cerdeña Italian spècie di zampógna tìpica sarda German sardische Hirtenflöte.

pòmpa 1 , nf Definition genia de tubbu longu de plàstica o gomma (o àteru materiale lentu) po manigiare abba o àteru deasi; fintzes motore o màchina chi mandhat calecuna cosa (es. abba, gasu, cimentu, àteru) in pompas o in tubbos / min. pompita Synonyms e antonyms tubbu Sentences ponimí sa pompa a su grifoni po acuai is froris! ◊ fimus a iscacàglios e ndhe intrat mamma chin sa pompa birde… nos semus fena istremutidos! E callados! 2. cras nos benit sa pompa a betare bòveda Etymon itl. Translations French tuyau English pipe, tube Spanish tubo, bomba Italian tubo, pómpa German Röhre, Pumpe.

túbbu , nm Definition metallu o àteru materiale fatu a bisura de canna, tuvudu, a cundhutu de dhue pòdere passare aintru abba o àteru deasi / t. de iscapamentu = in is màchinas a motore a iscópiu, genia de tubbu chi serbit po che iscapare o bogare su fumu e àteros resídios a fora Etymon itl. Translations French tuyau English pipe Spanish tubo Italian tubo German Rohr.

«« Search again