abbrutadórgiu , nm Definition logu a ue si nche fúliat s'àliga Synonyms e antonyms muntonàgliu Sentences tuchent deretu a muntonarju, abbrutadórgiu a sa bauneesa, si ant galu de trabicare Scientific Terminology bdh Etymon srd. Translations French fosse aux ordures English rubbish dump Spanish vertedero Italian mondezzàio German Müllabladeplatz.

abighíngiu , nm: alighíngiu, alighinzu Definition àliga, matuca o minuda chi siat, fintzes cosighedha de pagu contu Synonyms e antonyms àiga, arghinzu, arghiminzu, bascaràmine / arritzu 1, brutura, grisu 1, rena, renza, solla Etymon srd. Translations French ordures English garbage Spanish inmundicia, basura Italian immondézza German Müll.

àiga , nf: alga, àlgia, àlica, àliga, arga Definition totu su chi est de fuliare, nau fintzes a disprétziu e innóriu de unu assimbigiau a s’àliga; una de is erbas chi creschent in mare, àliga de mari o pallamarini (Posidonia oceanica); persona de dispretziare po su fàere chi tenet (cun custu significau si faet su pl. puru) Synonyms e antonyms abighíngiu, algúmini, mundhadura, scovadura / cdh. alga / brutura, ludrinzu / argamile, ascamile Idioms csn: fàghere arga = imbrutai su logu cun s'àliga, fai cosa chi imbrutat su logu; betare a s'arga una cosa = fuliaidha; leare, tratare a ccn. che arga = chentza rispetu perunu, chentza ndhe fàghere contu Sentences no timast ca gei no dhui apu a fai àiga dèu, in domu tua! ◊ no ti ponzas intro de domo a innetiare cussa cosa, ca faghes arga! ◊ s'arga che cheret mundhada, collida e frundhida ◊ un'arga mi che at intrau in s'ocru ◊ arga in s'ogru che zuto: beni ca mi che la bogas! ◊ candho impreas su dossu in sas modas feas, ti ruet subra tua etotu che àlgia ◊ s'arga chi catzaiat dae prummones fit groga 3. abbàida ite mi at fatu cuss'arga de bighinu! ◊ arga de muntonarju, cussa est fàvula tua! ◊ bi ndh'aiat de li frigare su pè in bula, a cuss'arga, pro su chi at fatu! ◊ cussos sunt argas, sunt, petzi ischint a fàghere male! 4. a su babbu e a sa mama los istúpiat in cara e lis imbolat cant'àliga agatat ◊ sigheit a nàrrere contras a cudha carrèndheli cant'arga bi aiat in su muntonarzu ◊ dontzi via lu pissichiat, pro su bufu, e li ammuntonaiat arga de sete muntonàglios! ◊ sont che àlgias de muntonalzu Surnames and Proverbs prb: s'àliga currit a su muntronaxu Etymon ltn. alga Translations French ordures English garbage Spanish basura Italian immondézza German Müll.

aligàgiu , nm: aligarzu Definition logu inue si betat s'àliga, su ladamíngiu; s'àliga etotu Synonyms e antonyms agrile, aligurru, muntonàgliu / argúmene, àiga Etymon srd. Translations French fosse à fumier, ordures English dung-hill, rubbish Spanish vertedero, estercolero, basura Italian letamàio, spazzatura German Dunghaufen, Müll.

mundadúra , nf: mundhadura Definition su mundhare, pruschetotu nau de sa manera (fintzes po sa lestresa pinnigandho cosa); sa cosa mundhada Synonyms e antonyms mundhonzu / alga, isargadura, mundhaza, scovadura Sentences mi ndi siat mundadura… fiant cantendi cantzonis! ◊ su piricoco e sa pruna dhos faiant a mundhadura… papandho! ◊ fint a iscobas bochindhe tilibirche, faghindhe a mundhadura pro l'ammuntonare a l'istichire fogu Etymon srd. Translations French balayage, ordures English rubbish Spanish basura Italian spazzatura German Fegen, Kehricht.

muntonàgliu, muntonàlzu, muntonàrgiu , nm: muntonarzu, muntriaxu, muntronaxu, muntruaxu, mutonaxu Definition muntone mannu de ladamíngiu e mescamente de àliga, logu inue si che imbolat s'àliga e totu is cosas de fuliare; fintzes logu chentza allichidiu, chentza contivigiare, brutu, betau apare Synonyms e antonyms abbrutadórgiu, agrile, aligàgiu, aligurru / cdh. muntinàgiu Idioms csn: arga de muntonarzu (nau a menisprésiu a unu) = malu, donau a fai mali, disgratziau, trevessu; ammuntonare arga de sete muntonàglios a unu = narrerendheli de onzi colore Sentences su muntonàgliu est prenu de bascaràmene ◊ castiei su muntronaxu chi nc'est in custa domu! ◊ totue nos sunt carrazendhe sos muntonarzos ◊ is muntonàglios… in dógnia bidha ci passaiaus ne dhue iat unu ◊ su cómudu fiat adoru de su muntruaxu…◊ sa cosa mala a su muntonàrgiu! ◊ chi dh'emu tentu dèu, cussu capedhu iat biu su muntronaxu! 2. dontzi via lu pissichiat pro su bufu e l'ammuntonaiat arga de sete muntonàglios! ◊ arga de muntonarzu chi no est àteru, a mi che furare totu!… Surnames and Proverbs prb: s'àliga currit a su muntronaxu Etymon srd. Translations French fosse aux ordures, fumier, écurie English rubbish dump Spanish basurero, vertedero Italian mondezzàio German Schuttabladeplatz, Müllabladeplatz, schmutziger Ort, Stall.

«« Search again