Ditzionàriu in línia
de sa limba e de sa cultura sarda

arrabbiósu , agt: arrabiosu, rabiosu Definition chi si arràbbiat luego, chi no bàliat nudha; chi portat su rajolu; fintzes airau in su bonu Synonyms e antonyms arragonosu, arrenignosu, bischiliosu, bizarrosu, buzarrosu, croconosu, febosu, felorosu, físchidu, imbischigliau, ragiosu, stacosu, sutzuliu, venenadu Idioms csn: ossu arrabiosu, o ossu de su rasorju, de su resóliu, de su rajosu, de su ragiolu = su ragiosu, s'ossu de s'annugradorzu tra su cambutzu e su carcanzu; cani arrabiosu = arrajoladu Sentences ses istétia sempri aresti e arrabiosa! ◊ fiat una maistedha pitichedha ma arrabiosa 2. as biu cussa copiedha? basendusí ananti nostu… sa fémmina pariat prus arrabiosa de s'ómini! Etymon itl. Translations French furieux English rabid Spanish rabioso Italian rabbióso German zornig, tollwütig.

arragiolàdu , agt: arrajolau Definition chi portat s'arrajolu Synonyms e antonyms arragiolidu Sentences apenas chi sas palas at giradu, Sant'Antoni! ndhe trímulo che canna: pariat unu cane arragioladu! Etymon srd. Translations French furieux, enragé English rabid Spanish rabioso, hudrófobo Italian rabbióso, idròfobo German tollwütig, wasserscheu.

arragiolídu , pps, agt: arrajolidu, arraxulidu Definition de arragiolire; chi est arrennegau meda Synonyms e antonyms arragioladu, infeliu 2. manu arrajolida e incainada, semenadora de fele! ◊ andhat a li pònnere sa manu in palas pro lu cufortare e si li girat che cane arraxulidu Translations French furieux English rabid, furious Spanish rabioso Italian rabbióso German tollwütig.

buzarrósu , agt Definition chi portat o chi tenet búzara Synonyms e antonyms arrabbiosu, arragonosu, arrenignosu, bischiliosu, bizarrosu, croconosu, febosu, físchidu, imbischigliau, stacosu, sutzuliu, venenadu Etymon srd. Translations French furieux English furious Spanish rabioso Italian rabbióso German zornig.

chinchidhàdu , agt Definition nau de gente, chi est coment'e chi boghet fogu de s'arrennegu, de su fele o tzacu: inchighiridhadu, infuteradu Synonyms e antonyms afutadu, arrennegadu Etymon srd. Translations French furieux English enraged Spanish enfurecido Italian infuriato German wütend.

febósu , agt: felosu Definition nau de ccn., chi si arrennegat, chi si ndhe leat tzacu meda de is cosas chi dhi andhant a trotu, chi faet is cosas cun fele, chi est ferenandho Synonyms e antonyms arrabbiosu, arrenignosu, croconosu, felorosu, imbischigliau, infeliu, infelloniu, ragiosu, stacosu, sutzuliu Sentences s'àrgia est febosa ◊ po chi apas su pilu cambiau, tramudai no podis sa natura, chi ti at fatu felosu unu mergiani! ◊ fit su piús malu e felosu ◊ che turmentada píbera unfiadu e cun boghe felosa repitiat Scientific Terminology ntl Etymon srd. Translations French bilieux, furieux English irascible, infuriated Spanish bilioso, furioso Italian bilióso, inviperito German cholerisch, zornig.

físchidu , agt: físchiru Definition chi si ndhe sentit luego de una cosa, de un'ofesa, de una brulla, chi si dha pigat, chi si che artzat deretu, chi no padit perunu ifadu, arrespondhet cun tzacu po dónnia cosighedha Synonyms e antonyms cdh. futaritzu / aumbraditu / primmósigu / ttrs. ipuntósigu | ctr. pascenscile Idioms csn: f. a is chirighitas = chi timet su chirighiri; èssiri f. in dogna cosa = malu a cuntentare; f. che damigiana iscannia = chi no faghet a li nàrrere nudha, chi no agguantat brulla peruna Sentences su cuadhu est físchidu a s'isproni ◊ est ómini físchidu, guai a dhi narri s'annomíngiu ca s'inchietat ◊ sa picioca fut aici físchida chi bastàt un'ogu de soli po dha fai intèndiri mali ◊ cussas duas funt tropu físchiras, faint tocaras e segaras! 2. fit lassendhe su cuile in fogu e braja e bochindhe cun físchidu furore su serenu montarzu (S.Lay Deidda)◊ est in debbadas chi ponzemus canes físchidos a ispàrghere pauria ◊ movídebbos che físchidu uraganu! Etymon spn. físico Translations French sensible, irascible, furieux English sensible, irascible, furious Spanish sensible, irascible Italian sensìbile, irascìbile, rabbióso German empfindlich, reizbar, zornig.

furiànu , agt Synonyms e antonyms focosu, fuliosu Sentences cadhu furianu, ducale cursu! ◊ fia timindhe un'atacu furianu chi podiat arribbare a s’ispessada Translations French furieux English furious Spanish furioso Italian furióso German wütend.

impiberídu , agt Definition nau de ccn., chi est male arrennegau, chi paret una píbera Synonyms e antonyms arrabbiosu, arrenignosu, bischiliosu, buzarrosu, croconosu, felorosu, imbischigliau, infeliu, ragiosu, stacosu, sutzuliu Sentences zughiat su coro impiberidu Translations French furieux English infuriated Spanish enconado Italian inviperito German wütend.

inchizàda , nf Definition abbaidada a corroncinu, oghida lègia Synonyms e antonyms achizada, inchérrida, inchigida, inchizidura, incilladura, incillimentu / cdh. inchiciata Sentences no mi at lassadu mancu sighire chi sa cara sua at fatu un'inchizada… pariat chi no li torraiant sos contos! Etymon srd. Translations French un regard furieux English black look Spanish mirada torva, ceño Italian occhiatàccia German häßlicher Blick.

infelloníri , vrb rfl: infelonire Definition pigare fele, arrennegu meda, a s'airada, su si fàere a una píbera de s'arrennegu Synonyms e antonyms afelonare, imbirdinare, infelai, infellonai, trenesci Sentences si fuant infellonius ancora de prus e dhus boliant cundennai a morti ◊ s'infeloniat e sa mente sua no ischiat decídere su comente ◊ abarrit calmu ca no serbit chi s'infelonit! Translations French devenir furieux English to become furious Spanish enfurecerse Italian inviperirsi German sich erbosen.

infelloníu , pps, agt Definition de infelloniri; chi si at leau arrennegu meda Synonyms e antonyms arrennegadu, febosu, inferenau, venenadu Sentences acatendisí chi dh'iant collunau si fut infelloniu 2. su meri fut totu infelloniu ca a sa coja no dhoi fiat andau nemus Translations French furieux, indigné English become furious, irritated Spanish enfurecido Italian inviperito, sdegnato German erbost, entrüstet.

sufúriu , agt Definition nau de ccn., chi tenet una manera de fàere sèmpere arrennegada, airada, lestra meda Synonyms e antonyms airadore, airósigu, arrabbiaditu, arrennegaditu, calabriosu, inchietosu, tràchidhu, tzacosu | ctr. pascenscile Sentences semper issu est, sufúriu e a lesorja tirada prontu a púnghere! (L.Farina) Etymon srd. Translations French furieux, irascible English furious, nervy Spanish furioso, iracundo Italian furióso, iracóndo, nevrastènico German wütig, jähzornig, neurasthenisch.

venenàdu , agt: felenadu, fenenadu, verenau Definition chi portat velenu; nau de ccn., chi est male arrennegau, meda, dispràxiu meda, agiummai coment'e chi portet velenu / àcua verenada = avelenada Synonyms e antonyms arrabbiosu, arragonosu, arrenignosu, bischiliosu, buzarrosu, febosu, felorosu, físchidu, infelloniu Sentences e si atentu no pones los bides istesiados, prite as rajos venenados 2. iat inténdiu unu tzérriu légiu, longu, verenau ◊ mi parit de intendi dí e noti isceti passus de genti verenada, passus de genti chentza de alligria Etymon srd. Translations French exaspéré, furieux English furious Spanish enconado, encolerizado Italian invelenito, rabbióso German erbittert, zornig.