Ditzionàriu in línia
de sa limba e de sa cultura sarda

chivésciu, chivéssu , avb: ischilvésciu* Definition chi no est deretu, chi est trotu Synonyms e antonyms abboe, achibboe, achifilu, acorrimboe, biàsciu, calembru, imboe, isgretzi, sbiàsciu Translations French de travers, de guingois English crooked Spanish sesgado, torcido Italian sghémbo German schief.

ciapuédhu, ciapulédhu , nm Definition min. de ciapu, ma mescamente genia de macarrone: is ciapuedhus o tzapuedhus funt macarrones fatos a manu, de chivarzu (ma no solu), orrughedhos de pasta alladiada segada a orrughedhos Sentences a papai eus fatu ciapuledhus a casu furriau Translations French genre de pâtes courtes English a kind of macaroni Spanish clase de pasta corta Italian un tipo di pasta córta German eine Art Makkaroni.

ciciòne , nm: cigioni, cijone, ciucione, tzitzone Definition macarrone tundhu, fatu istrecandho cun sa matza de su pódhighe mannu un'orrughedhu de pasta / ciciones de rugu = malloredhos fatos cun iscete (podhe) e pódhine (frúfere) Synonyms e antonyms ciciolau, istrangulau, malladedhu, mutzitu, pitzoti Sentences como andho a maghinare e apustis bos fato sos ciciones ◊ a manigare bi tenimus cicionedhos a pódhighe Scientific Terminology mng Translations French "gnocchi" (quenelles de purée de pommes de terre et farine) English gnocchi Spanish gnocchi Italian gnòcco German Kloß.

cigàla , nf Definition animaledhu de mare a corgiolu tostau che a su càvuru Synonyms e antonyms cigaledha, papagóciula, sugàgia Scientific Terminology crx, scyllarus arctus, scyllarides latus Etymon ctl. cigala Translations French squille, cigale de mer English squill Spanish cigala Italian scìllaro German Bärenkrebs.

císso, císsu , avb: citzu, gissu Definition chitzo, a bon'ora, tempus antibitzau si est postu apare cun àter'ora apustis, ma mescamente nau de su mengianu cantu prima (fintzes innanti de abbrèschere) Synonyms e antonyms chici* | ctr. taldu, trigadiu Sentences est ancora iscuriu candu a cissu mi ndi pesu ◊ su fixu est torrau custu citzu ◊ tocat a si ndi pesai a cissu po acodiri a pigai su postali Scientific Terminology tpc Translations French tôt, de bonne heure English early Spanish pronto, temprano Italian prèsto German früh.

clàmu , nm: cramu Definition su acusare una fura, giare sa chèscia; su tzerriare, pedire agiudu Synonyms e antonyms chensa, denúntzia / agiutóriu Etymon srd. Translations French action de dénoncer un vol, réclamation English complaint Spanish denuncia, llamamiento Italian denùncia di còsa rubata, reclamo German Anzeige, Beschwerde.

coàcia , nf, nm: coàciu 1, coatza Definition sa punta de sa coa, sa parte de sa coa de is pigiones; sa punta de unu chintórgiu, de una fune o de àteru deasi; s'iscutuladura de su linu, sa pagighedha chi che dhi orruet (ndhe preniant is banitas) Synonyms e antonyms coitza, cúmmiru, punta Sentences sa coatza de sa fune, de sa tzinta, de sa litranga Scientific Terminology crn Etymon srd. Translations French extrémité de la queue, croupion English rump Spanish extremidad de la cola Italian estremità della códa, codrïóne degli uccèlli German Bürzel.

cocoràtza , nf Definition càlixi o capedhu de muru: una genia de erba chi faet in is calancas de is muros Synonyms e antonyms alighemuru, calichemuru, capedhemuru, cocorroi, salighemuru Scientific Terminology rba, Umbilicus rupestris Translations French ombilic de Vénus English venus navelwort Spanish ombligo de Venus Italian ombelico di Vènere German Nabelkraut.

coedòpi , nf Definition coa de topi: calidades diferentes de erba de sa matessi genia nadas deosi ca portant s'ispiga coment'e una coa de sórighe Scientific Terminology rba, Alopecurus bulbosus, Alopecurus pratensis, Phleum pratense, Cynosurus cristatus Etymon srd. Translations French queue de rat English rat tail Spanish cola de zorro, fleo de los prados Italian codolina German Ackerfuchsschwanz.

còfa , nf: gofa Definition genia de istrégiu mannu tundhu e artu, totu apertu in pitzu, fatu cun pertighedhas fines téssias, o fintzes de canna, po portare pedra pitica, carrare frutuàriu e àteru Synonyms e antonyms iscofa 1 Sentences in cussa ofelleria faiant su dinai a cofas ◊ cussa no est cosa de pigai a cofas: o ita est, giarra?! ◊ inchi ti ndi essit pigau una cofa de dimónius! Scientific Terminology stz Etymon ctl. cofa Translations French corbeille de vannerie English wicker basket Spanish cesta, canasta Italian césta di vìmini German Weidenkorb.

cogàlzu, cogàrzu , nm: corcarju, corcàrgiu, crocarzu, crogàgiu, crogàgliu, crogàrgiu, crogarzu, crogaxu Definition ispétzia de cullera de corru po usu de is pastores in su cuile: dha faent de sa punta de unu corru de boe o de su mascu de is brebès, o fintzes de linna mannas / ungras de cogarzu = tropu longas; tocare su corcarju a ccn. (nadu brullendhe) = tocare sa manu Synonyms e antonyms collàrgiu, cragallu, giogalzu, locarzu, pilita / cdh. curredha Sentences no ndi dhu ant a bodhí mancu a crogaxu! ◊ in su cubile bi at abbarrau corcarjos e fruales ◊ a sos oto annos fio crapitarju: tandho li desi ghetu a su corcarju, a su recotu, a sa bituera (P.Piga)◊ e chie leat tirudhas, tirudhones, palas de forru e cogalzos! 2. segadichelas cussas ungras de cogarzu! Surnames and Proverbs prb: chie faghet trudhas faghet cogarzos ◊ chie zuchet corcarju papat late! Scientific Terminology ans Etymon ltn. cochlearium Translations French cuiller de corne English horn spoon Spanish cuchara de cuerno Italian cucchiàio di còrno German Hornlöffel.

cogónu , nm Definition sicadura a tropu de calecuna cosa (es. pane modhe); fintzes dispraxere, prus che àteru de ofesa, de su èssere apocau, fatu a bregúngia Synonyms e antonyms assicorradura, assicorru / angóniu, annógiu, ràngulu Etymon srd. Translations French état de ce qui est dur, sec, rassis, ressentiment English drying up Spanish resecado, resentimiento Italian rinsecchiménto, risentiménto German trocken werden, Groll.

cogoràu , nm Definition logu, pomentu de is orrugas fatu a cogorus, a pedra Synonyms e antonyms impedradu, incocodau, incoduau Sentences me is arrugas de bidha unu tempus dhoi fiat su cogorau: immoi dhas ant acarraxadas de catramu Etymon srd. Translations French pavé de cailloux English cobbled paving Spanish empedrado Italian acciottolato German Steinpflaster.

collocaméntu , nm Definition su collocare, su pònnere in postu de trebballu; s'ufíciu chi contivígiat sa lista de is disocupaos Synonyms e antonyms collocatzione Translations French placement, bureau de placement English placing Spanish empleo, oficina de empleo Italian collocaménto German Anstellung.

colorídu , pps, agt, nm: coloriu Definition de colorire; chi est de colore; su colore bellu de sa carre, mescamente de cara Synonyms e antonyms tintu / cdh. culuritu 2. mamma fut altighina, bella e colorida ◊ in d-un’ora de forru prus o mancu su civraxu est cotu, bèni pesau e coloriu ◊ colorida mariposa, totu briu e totu amore, visitas dogni fiore ◊ una m’incantat po s’arrubiori, s’àtera est bianca e apena coloria Translations French de couleur, coloré English stained Spanish colorido, coloreado Italian colorato German bunt.

comentacòe , avb Definition in calesisiat manera Synonyms e antonyms comentecasiat, comentesisiat Sentences a dónnia contu fàciat comentacoe!(E.Nieddu) Translations French de toute façon English however Spanish de todas formas Italian comùnque German wie auch immer.

comentecasíat , avb Definition de una css. manera Synonyms e antonyms comentacoe, comentisiollat, comentesisiat Etymon srd. Translations French de toute façon English however Spanish de todas formas Italian comùnque German wie auch immer.

comodínu , nm: cumodinu Definition genia de mobbiledhu chi si ponet apresu a sa cabitzana po dhue arrimare cosa chi podet serbire a sa persona crocada in su letu Synonyms e antonyms cdh. cumudinu Etymon itl. Translations French table de chevet English night-table Spanish mesa de cabecera Italian comodino German Nachttisch.

comúna , nf, nm: comune, comunu, cumona, cumuna Definition pópulu chi si guvernat cun is leis suas etotu; domo cumonale, sede de s'amministratzione de una bidha Sentences già ti poto comune lastimare candho penso comente ses torrada (B.R.Carbone)◊ sa guàrdia de sa cumona est marranu de vídere una vetura chi l'achicat deretu una contravintzione ◊ su segretàriu de comuna dhu pagant a su mese Etymon itl. Translations French mairie, hôtel de ville English town-hall Spanish ayuntamiento Italian municìpio, comune German Rathaus.

comunèlla , nf: cumonella Definition cumonéssia, ma prus che àteru nau a disprétziu: su si pònnere impare in cosas pagu de bonu Synonyms e antonyms cumonéssia Sentences contra a sa religione sos eréticos sunt in comunella ◊ su mundhu oe est unu burdellu niedhu chi at fatu comunella cun s'inferru ◊ a mie no mi aggradant custas cumonellas! Translations French action de s'accointer English clique Spanish camarilla Italian comunèlla German Vereinbarung.