Abbreviations Legenda | Symbols Legend

cabrúncu , nm: cambruncu, carbónchiu, carbúnchiu, carbuncu, carbúnculu, crabuncu, crabúnculu Definition essia o bua de còchere, genia de fruschedha mala Synonyms e antonyms cardúmbulu, frabbúnchiu, trabúculu, trabuncu / cdh. calbuncu Scientific Terminology mld Etymon ltn. carbunculus Translations French charbon English carbuncle Spanish carbunco Italian carbónchio German Karbunkel.

calvòne , nm: carvone, carbone, cavone, crabone 1, craboni Definition linna o àteru (linna cota) torrau agiummai solu a carbóniu, bonu meda po abbruxare ca, po su chi pesat, giaet calorias meda, mescamente su fóssile (crabone de pedra) e no faet fumu; a bortas si pentzat che cosa mala, morta Idioms csn: craboni mortu = carbone fatu ma chentza allutu torra; fai comenti fait su carboni (o atzendhet o imbrutat); calvone de ciàcara = fatu cun tzompas de castanzarzu; craboni de frau = carbone fatu a diferente manera (de linna inchesa a bràsia e carrarzada cun terra); èssere a unu calvone = nau de cosa cota, abbruxada, fata a craboni Sentences in sas cheas sa linna si faghet a carbone ◊ in su Sulcis bi at minieras de carbone ◊ est niedhu che pixi po su carboni chi portat ◊ donamí unu tzichedhu de binu ca m'iscadrígiat prus de su craboni! 2. susuncu, si no càmbias vida s'errichesa tua si at a furriare a crabone!◊ cherent fàghere a carvone sa Sardigna totu intrea, riduida a una chea! Surnames and Proverbs smb: Calvone, Carbone, Carboni, Carvone Scientific Terminology mnr Etymon ltn. carbone(m) Translations French charbon English coal Spanish carbón Italian carbóne German Kohle.

carboníle , nm Definition logu inue si ponet su crabone ammuntonau Synonyms e antonyms carbonera Translations French soute à charbon English coalbunker Spanish carbonera Italian carbonile German Kohlenbunker.

carvonàre , vrb Definition fàere o manigiare crabone Sentences sa sacheta la zughiat su babbu carvonendhe Etymon srd. Translations French faire du charbon English to coal Spanish carbonear Italian fare il carbóne German Kohle brennen.

puntòre , nm: funtori, puntori Definition morte mala, male de punta mannu e mescamente de mòrrere, prumonite, punta a su coro, fintzes sa morte etotu: impreau meda a frastimu / pigare su puntore (a ccn., ma si narat fintzes de su fogu)= mòrrere Synonyms e antonyms antecoru Sentences s'istrumbullara de dogna motori sicu unu puntori ti fait calai! ◊ est intrendi araxi frida: ndi apu a pigai su puntori! ◊ a su dotori no dhoi andu, gei no dhu portu ancora su puntori! ◊ infermieras e dotoris funt pentzendi in àteru, no a curai is puntoris de is malàdius ◊ sa becesa est s'edadi de is puntoris ◊ sa cumpanza mia si nch'est morta pro un'atacu de puntore 2. su puntore li est pigadu a custu fogu, chi si ch'est mortu?!… Scientific Terminology mld Etymon ltn. punctura Translations French infarctus, charbon mortel (méd.) English infarct, fulminating carbuncle Spanish infarto, carbunco fulminante Italian infarto, carbónchio fulminante German Infarkt.

«« Search again