Ditzionàriu in línia
de sa limba e de sa cultura sarda

àlcia , nf: àscia, ascra Definition prus che àteru, crantu de linna mannu, longu, de truncu, bogau o segau de longu, a isperradura; parte fintzes pitica de calecuna cosa Synonyms e antonyms àstua, escra / cdh. sciapa / perrone Idioms csn: àscia ’e raju = lampu, camba de lampu; fàgheresi in àscias = isascruzàresi, andharesiche a àstulas, astulaisí; essíreche che ascra = bulliare atesu a corpu (che ascruza seghendhe linna), essíreche che lampu Sentences truncu bolat ascra ◊ su truncu cheret bogadu a ascra ◊ sa linna a cannone est menzus de s’ascra ◊ un'àscia de ossu l'arrezet in bula ◊ eo so dura e mala a mastigare, àlcia de una roca marmarina (Farina) 2. cudhu corvu istaiat fichidu subra de duas ancas deretas che àscia de raju ◊ sos cadhos si funt arrempellados, ammutighinendhe che àscias de rajos ◊ fuesit che àlcia de raju 3. pro fàghere festa gai no bos damus ascra de tzentésimu! Surnames and Proverbs prb: segundhu su truncu s'àscia e dae s'àscia s'asciuza Etymon ltn. asc(u)la Translations French éclat English splinter Spanish astilla, esquirla Italian schéggia German Splitter.

alciúza , nf: asciuza, ascruza, assuza Definition bículu de linna, de pedra o de àteru chi ndhe andhat segandho a iscudidura, a cropos Synonyms e antonyms asciola, àstua, astúgia, doladu, gliesca, iscata, isciapa, schedra / burrumballa Sentences segundhu su truncu s'àscia e dae s'àscia s'asciuza Scientific Terminology upm Etymon srd. Translations French éclat English splinter Spanish astilla, esquirla, lasca Italian schéggia German Splitter.

àstua , nf: àstula Definition orrughedhu de linna minore, crutzu e ladu, bogau o segau unu pagu de longu, a isperradura, segandho e iscudendho a segure; genia de naturale de ccn. / àstua de prana = apranadura Synonyms e antonyms alciuza, doladu, gliesca, iscata, isciapa, schedra, taza / naturale Idioms csn: bogai à. de unu truncu, faisí a àstulas; betare s'à. de unu a un'àteru = pigai is difetus de un'àteru; andhare in àstula (nadu de unu) = èssere astulau, irdeortu, pagu atentu faghindhe cosa Sentences àstula negat d'esser de presone, ma su truncu est de veru delincuente (B.Asili) 2. pro s'àstula mala chi at, lu leant totu de lantza e de punta ◊ bae chi già li at betadu, s'àstula de su babbu! Surnames and Proverbs prb: àlbori orrutu, totus dhi bogant àstula Etymon ltn. astula Translations French éclat de bois English splinter Spanish astilla de madera Italian schéggia di légno German Holzsplitter.

ghirghílliu , nm Definition errisu a meda, a boghe arta, tzérriu Synonyms e antonyms iscacagliada, iscacàgliu, iscacaratzu, iscracanzu, iscracaxu / irghéliu Sentences sos ghirghíllios de cuntentesa parent grinnicos de cadhu ◊ ghetat ghirghíllios chi paret chi lu punghet su muscone! Etymon srd. Translations French éclat de rire, rire, ricanement English sneering Spanish carcajada Italian risata, sghignazzata German schallendes Gelächter.

ilborrócu , nm: isborrocu Definition cuménciu airadu, a meda, cun fortza de calecuna cosa o de unu fàere (es. de errisu) Synonyms e antonyms sderrocu Etymon srd. Translations French impétuosité, élan, éclat English roar, loud rush Spanish estallido Italian ìmpeto fragoróso, scròscio German Ausbruch, Rauschen.

lèsca , nf: gliesca, liesca Definition orrugu minore de calecuna cosa chi ndhe andhat o chi si ndhe segat e fintzes su pódhine prus grussu; a logos fintzes fita de pane / assutu che lesca = assutu che pilisca; min. leschigedha Synonyms e antonyms alciuza, àstua, doladu, iscata, isciapa, schedra Sentences po fai su sinnali "pitzu cavu" a is animalis, de s'origa ndi segant una lesca chi abarrat pendi pendi 2. tancat sos ogros finas a si bídere petzi una lesca de lutzigura ◊ cantu lescas ais fatu de crachina in cudhu forru!… Etymon ctl. llesca Translations French éclat English sliver Spanish astilla, esquirla Italian schéggia German Splitter.

rísida , nf Definition su erríere, iscracaliada o pasta de errisu Synonyms e antonyms iscacagliada, iscacàgliu, iscacaratzu, iscracanzu, iscracaxu / cdh. risaredha Sentences est de una rísida ischifosa! ◊ li fruscieit in orijas una rísida manna Etymon srd. Translations French éclat de rire, petit rire English laughter, small laugh Spanish risotada, carcajada, risilla, risita Italian risata German Lachen, unterdrücktes Lachen.

schèdra, schèlda , nf: ischerda*, scherda Definition bículu, àstula de cosa (de linna, de pedra o de àteru) chi che andhat a isperradura pigandho cropu, fintzes code, pedra no tanti manna Synonyms e antonyms alciúza, àstua, iscata, isciapa / iscaza Sentences at segau un'ossu a scherdas ◊ su manorba at portau scherda a su maistu Translations French éclat English splinter Spanish astilla, esquirla, lasca Italian schéggia German Splitter.