A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

sússu súci

sussuíni sassoíni

sussulía , nf Definition genia de pigione mannu petzarolu Synonyms e antonyms astorolia, tzirolia Sentences sussulia de marina bogamindhe un'ispina, un'ispina de su pè!

sussutàre , vrb Definition prànghere a suncutu, a assúpidos Synonyms e antonyms assuconai, assupedhare, singultare.

sustanscívile , agt Definition chi giaet sustàntzia, chi nutrit Synonyms e antonyms alimentosu, sustantziosu Etymon srd. Translations French nutritif English nutritious Spanish nutritivo Italian nutritivo German nahrhaft.

sustànsia , nf: sustàntzia, sustàscia, sustàssia Definition sa parte prus importante de css. cosa o chistione, su chi faet sa diferéntzia tra cosa e àtera / intrare s. = donai e suspiri sa sustàntzia de is alimentus Sentences no poto ispiegare sa sustàscia de sas cosas ◊ cussa chi mi tocat prus su coru est sa Sardigna, coment'e mamma chi mi at donau sa vida e dh'at nutrida de sa sustàntzia sua (R.Melis)◊ a papai bolit cosas de sustàntzia ◊ fut contandhe su chi cheriant sas malastrampas, a bi che tirare sa sustàntzia, sos afàrios de coro e de famíllia Etymon spn. Translations French substance English substance Spanish sustancia Italian sostanza German Substanz.

sustantívu , nm Definition css. foedhu chi distinghet s'unu de s'àteru personas, animales e cosas po su chi tenent de diferente in sa sustàntzia, in su èssere Synonyms e antonyms nòmene.

sustàntzia sustànsia

sustantziài , vrb rfl Definition pigare sustàntzia Synonyms e antonyms alimentai, sustentai.

sustantziósu , agt Definition de sustàntzia, chi portat e giaet sustàntzia Synonyms e antonyms alimentosu, saliosu, sustanscívile Sentences is pipios erricos teniant prus cosas adatas e sustantziosas po papare ◊ su late berbeghinu est prus sustantziosu ◊ comenti crescit, a su pipiu incarrerant a dhi fai tastai càncua cosa prus sustantziosa ◊ sa sida pro su bestiàmine est un'alimentu sustantziosu Translations French substantiel, nourrissant English substantial Spanish sustancioso, nutritivo Italian sostanzióso, nutrïènte German nahrhaft, nährend.

sustàscia, sustàssia sustànsia

susténciu , nm Synonyms e antonyms alimentu, màndhicu, sustentu* Sentences comenti fais a sola sentz'e susténciu? (A.Simbula).

sustèniri, sustènnere, sustènni , vrb Definition dèpere fàere, tènnere de fàere; agiudare, giare agiudu, fortza, auditu, coràgiu; poderare, mantènnere / pps. susténnidu Sentences des preguntare cantos ispeazos ancora des sustènnere e viazos 2. bi at zente chi no ischit mancu cale terra la sustenet!

sustentài , vrb: sustentare Definition giare alimentu, intrare sustàntzia Synonyms e antonyms alimentai Etymon spn. sustentar.

sustentaméntu , nm Definition su sustentai; su chi serbit po si alimentare Synonyms e antonyms alimentu, sustentu.

sustentàre sustentài

susténtu , nm Definition totu su chi serbit de nutrimentu Synonyms e antonyms alimentu, arracatu, màndhicu, sustentamentu Sentences pro chi a nisciunu manchet su sustentu, issu, s'eroe su piús mannu e veru, note e die sacríficat pro chentu (P.Mura)◊ su sustentu fit a fae e lardu, casu, brotzu e giodhu Etymon spn. Translations French nourriture English maintenance Spanish sustento Italian sostentaménto German Ernährung.

sustígliu , nm Definition in su costúmene, bestimentu chi ammontat de su chintzu in pitzu Synonyms e antonyms giustígliu, imbustu Sentences su pupitu ti l'afianzas a petus che sustígliu (A.Rubattu).

sústu súltu

sústu 1 , agt Definition nau de ccn., chi est coment'e ispantasiau, assustau, siat po cosa manna o bella meda, siat po cosa chi dispraxet, faet a tímere o a dónnia modu est de cundennare Synonyms e antonyms abbereladu, abbeveladu, ammeravizadu, apapughinau, atrassidu, irmerau, ispantadu Sentences mirat acisadu sa diga e a coa est piús sustu puru ◊ ndh'est restadu sustu candho at ischidu chi fit sanadu ◊ sont abbarrados sustos e abbevelados bidendhe su pitzinnu pranghendhe 2. a lu bídere mastulendhe a sa tzega che prantamone istaias sustu (G.Ruju)◊ bidindhe cudha béstia est abbarradu sustu e pensat: "Custu est unu diàulu!"◊ comente ant bidu a mie sunt restadas sustas Etymon srd. Translations French extasié, ravi English enraptured, charmed, astonished Spanish extasiado, fascinado, estupefacto Italian estasiato, affascinato, stupito German begeistert, erstaunt.