Abbreviations Legenda | Symbols Legend

pesàda , nf: pesara, pesata Definition su pesai/pesare, su istrantagiare, su pònnere prantau, su cumenciare: totu is significaos de pesai/pesare; fintzes logu in artzada, chi faet andhandho e inartandho, logu in artu / pesada de ogus = artziada de ogros, abbaidada, manera de abbaidare, ograda Synonyms e antonyms arritzada, artziada, ficada / ampuada, artziadroxa, pesadroxa, pigadorza | ctr. corcada, sétia / cabada Sentences sa pesada de su fogu, de su prantu ◊ amus intesu sa pesada de su piantu ◊ sa pesata de sa carena ◊ a sa pesada de su letu s'ojada imbergo in s'infinidu ◊ it'est custa pesara de a mengianu chitzi?! ◊ fut unu mengianu friscorosu ma cun sa pesada de sa die piat a caentare comente fut faendho dea totu s'istade 2. nc'est abbrincau me in sa pesadedha currendu anch'e su monti ◊ dhus eus atobiaus in "Sa pesada de Mògoro"◊ nci funt tretus de istrada in calada e tretus in pesada 3. gei portat una pesadedha de ogus: parit Nostrassennora de s'arramédiu!… Etymon srd. Translations French haussement English lifting up Spanish alzamiento, levantamiento Italian alzata, levata German Aufgehen, Aufstehen, Aufgang.

pesàda 1 , nf Definition cumponimentu poéticu fatu de versos, o peis, de duos a úndighi; segundhu su costúmene, genia de abbordau, ricamu, in s'antalena o panneananti; fintzes cota de calecuna cosa / fàghere una pesada a ccn. = certaidhu meda Synonyms e antonyms cóbbula, crobba, mutu Sentences faghiat in su palcu sa pesada: lughindhe in ojos, faedhu deghile li bessiat de lara a s'iscanzada (A.Dettori) 2. arratz'e fémina: dh'at fatu una pesada a su pubidhu… azommai si calat in perras, cudh'ómine! 3. candu torraus a fai su pani fadeus una pesada de pistochedhus (M.L.Serpi) Translations French strophe, couplet English strophe Spanish estrofa Italian stròfa German Strophe.

pesàda 2 , nf Definition su pesare, su iscumbatare su pesu, dónnia borta chi si pesat calecuna cosa; su tanti de sa cosa pesada dónnia borta (fintzes tanti de baranta chilos)/ p. fúrrida = fata a sa lestra (e cun ingannu), chentza ibertare a si firmare sa pesa po bíere su pesu giustu Synonyms e antonyms pesadura 1 Sentences tres pesadas de casu ant fatu prus de cuintale Translations French pesée English weighing Spanish pesada Italian pesata German Abwiegen.

«« Search again