Legenda Incurtzaduras | Legenda Sìmbulos

codiànu , agt: coidanu, cojanu Definitzione chi lompet o benit a coa, chi istat a coa, a úrtimos, a trigadiu Sinònimos e contràrios coàinu, culiu, redadiu, sagotzianu, trigadiu / coinàrgiu Frases in sas màrghines bi at fioriduras codianas ◊ est una berbeghe cojana ◊ cust'annu s'istajone est coidana (N.Demurtas)◊ sunt tantos sos coidanos chi pagu contipizant su dovere Ètimu srd. Tradutziones Frantzesu tardif, retardataire Ingresu belated, latecomer Ispagnolu atrasado Italianu tardivo, ritardatàrio Tedescu verspätet.

coilóngu , agt Definitzione chi portat sa coa longa, ma nau in cobertantza po unu chi tirat a longas, in su trebballu e fintzes in àteros doveres, pagamentos e àteru Sinònimos e contràrios cagallente, coizosu, crastinadore, immajonadu | ctr. coidadosu, impressidu, penciamentosu Ètimu srd. Tradutziones Frantzesu tardif Ingresu latecomer Ispagnolu atrasado Italianu ritardatàrio Tedescu verspätet.

sagotziànu , agt: secotianu, secotzianu, secutianu, segossianu, segotianu, segotzianu, segunsianu, segutzianu, sucotianu Definitzione nau de cosa chi creschet, coment'e frutuàriu, erba o fintzes àteru, chi benit apustis, a s'assegus, chi lompet agoa, a trigadiu / a s. = a regadiu Sinònimos e contràrios coàinu, cotianu, redadiu, regutzianu, tricadibu | ctr. premediu Frases at bocau sos mojos a montes ube su beranu est prus sucotianu ◊ candu unu lori est seminau a trigadiu est segotzianu ◊ apo todhitu péssiche secotianu ◊ apo agatau una pariga de figumoriscas sagotzianas 2. innantis si sèmenat su trigu: a segotianu s'orzu Ètimu ltn. *secutianus Tradutziones Frantzesu tardif Ingresu late Ispagnolu tardío Italianu tardivo Tedescu spätreif, verspätet.

tricadíbu , agt, avb: trigadinu, trigadiu, trigariu Definitzione chi benit o lompet a tardu, chi istat a coa, a úrtimu; tempus prus ainnanti Sinònimos e contràrios coàinu, redadiu, sagotzianu, trigadiora / taldiu | ctr. cabidraxu, premediu Frases ocannu est un'annada trigadina 2. si est fatu trigadinu ◊ benit prus trigariu ◊ dh'apu iscípiu tropu trigadiu Ètimu srd. Tradutziones Frantzesu tardif, tardivement, tard Ingresu late, tardily Ispagnolu tardío, tarde Italianu tardivo, tardivaménte, tardi Tedescu verspätet, spät.

«« Torra a chircare