Legenda Incurtzaduras | Legenda Sìmbulos

ciulài, ciulàre, ciulàri , vrb: (ci-u-la-i ci-u-la-re) tziulare Definitzione istare a tzíulu, a píliu, comente faent is pigiones, is pudhighinos chi faent sa boghighedha Sinònimos e contràrios ciarrulare, cirolitare, ciurulare, ischeliare, piliare, piulai, spibisai Frases mischinos, ciulendhe in tantu dolu finas a s'últimu estremu sunt istados isetendhe sa mama benner a bolu (F.Manca)◊ mi ndhe torrat a ischidare su ciulare de unu bidhisone ◊ sas gardolinas babbu e mama ciulavant pro sos pugionedhos pariant pranghendhe Ètimu srd. Tradutziones Frantzesu pépier, piauler Ingresu to peep Ispagnolu piar Italianu pigolare Tedescu piepen.

piulài , vrb: piulare Definitzione istare a píulos, comente faent is pigiones mescamente is piticos, is pudhighinos; fintzes fàere sa moida de cosa brillada atesu a fortza / no píulat (nau de ccn) = no fuedhat, no narat nudha Sinònimos e contràrios cirolitare, ciulai, ciurulare, piliare, piulai, spibisai / múere Frases prite restas semper solu, puzonedhu, piulendhe? Ètimu srd. Tradutziones Frantzesu pépier Ingresu to peep Ispagnolu piar Italianu pigolare Tedescu piepen.

piulaméntu , nm Definitzione su piulare, su istare a píulos Sinònimos e contràrios ischéliu, pibinu, píliu, schiularxa, túnchiu Ètimu srd. Tradutziones Frantzesu pépiement Ingresu peeping Ispagnolu piada Italianu pigolaménto Tedescu Piepen, Gepiepe.

schiài, schibiài , vrb: ischeliare*, schiliai, schiulai, schiullai Definitzione fàere a boghe una genia de tzinchírriu, de súrbiu, de sonu acutzu; nau in cobertantza, istare a murrúngiu, a chèscia Sinònimos e contràrios grariare, grarire, piulai, tichirriare / chesciai Frases su schiliai de sa genti iat incarrerau s'intrada de su palàtziu ◊ schiliànt totus: pariat un'arrisixedhu ligeru e schinniu ◊ su procu schiat ◊ ma càstia cust'origa: mi parit de intendi animalis schiendi! ◊ sa papagalledha est sempri schiulendi ◊ is marabigas ant cumentzau a schiulai 2. custa bateria schiat candu est ispacendi sa currenti Tradutziones Frantzesu piailler, grincer, pleurnicher Ingresu to peep, to creek, to moan Ispagnolu piar, chirriar, lloriquear Italianu pigolare, garrire, strìdere, frignare Tedescu piepen, kreischen, wimmern.

«« Torra a chircare