Legenda Incurtzaduras | Legenda Sìmbulos

castàngiu , agt: castanzu Definitzione chi est in colore de castàngia (candho est lómpia), nau prus che àteru de intina de animale Sinònimos e contràrios castanzinu Frases teniat un'achetu castanzu ◊ zughiat ojos castanzos, de una bellesa rara ◊ su diàulu ti ndhe let, ebba castanza: ello pro custu ti ses arestada?! Terminologia iscientìfica clr Tradutziones Frantzesu châtain Ingresu nut-brown Ispagnolu castaño Italianu castano Tedescu braun.

marròne 1 , nm Definitzione colore de castàngia Frases sas iscarpitas fines de pedhe, marrones Terminologia iscientìfica clr Tradutziones Frantzesu marron Ingresu brown Ispagnolu marrón, castaño Italianu marróne Tedescu Kastanienbraun, Braun.

murénu , agt Definitzione chi est de colore inniedhigau meda Sinònimos e contràrios moresinu, moritu, múrinu Frases su piciocu miu est artu, sutili e bellu, murenu e gratziosu ◊ bio caras murenas indolias de sudore Sambenados e Provèrbios smb: Murenu Ètimu spn. Tradutziones Frantzesu brun, foncé Ingresu dark Ispagnolu moreno Italianu bruno, scuro Tedescu braun, dunkel.

múrinu , agt Definitzione si narat de su colore chi assimbígiat a sa mura, ma mescamente de unu colore prus craru - murru, colore de sórighe - chi assimbígiat a su chinisu, a is nues niedhas / ispiga múrina = spigamurra, órgiu de topis, erba areste chi faghet un'ispiga chi assemizat a s'ispiga de s'orzu (Hordeum murinum); bisura m. (de ccn.) = umbrada, dispiàghida, arrennegada Sinònimos e contràrios iscuricosu, murenu, murinatu, nebidosu / chijinatu, cinisacu, cinixali | ctr. giaru, lugosu Sambenados e Provèrbios smb: Murinu, Murino Terminologia iscientìfica clr Ètimu srd. Tradutziones Frantzesu noirâtre, brun Ingresu blackish Ispagnolu moreno Italianu nerastro, bruno Tedescu schwärzlich, braun.

trínu , agt Definitzione in colore de trigu (granu sicau), iscurosu; fintzes bàrgiu; nau de ccn., chi est duritosu, unu pagu bregungiosu / puzone t. = trinedha, fruferarzu, crunculleo Sinònimos e contràrios tríghinu* / balzu, bertigatu Frases su chelu est totu trinu e minetat de pònnere su mantedhu a su nudu terrinu (A.Casula)◊ as iscritu che padronu s'òpera tua in su granitu trinu ◊ at batutu una cane trina chi no apedhat Tradutziones Frantzesu brun Ingresu brown Ispagnolu trigueño Italianu bruno Tedescu braun.

«« Torra a chircare