Ditzionàriu in línia
de sa limba e de sa cultura sarda

abbilàdu , pps, nm: abbilau, ambilau Definitzione de abbilare; malandra, freadura sanada chi dhue at naschiu pilu diferente, biancu Sinònimos e contràrios freadu 1 / freadura, malandra Ètimu srd. Tradutziones Frantzesu plaie Ingresu rub (bing) Ispagnolu matadura Italianu guidalésco Tedescu Wunde.

carrúncu , nm Sinònimos e contràrios freadura, gliaga, piae Tradutziones Frantzesu plaie Ingresu sore Ispagnolu llaga Italianu piaga Tedescu Wunde.

chéntria , nf, nm: chéntriu, créntia, gréntia Definitzione su marcu o síngia chi abbarrat de una ferida, de unu cropu, de cosa chi imbrutat / una créntia de ozu Sinònimos e contràrios checa, ferida, ischéntriu / màcia, macra, taca 3 2. giuchiat un’arva niedha comente a una créntia de tinta de iscríere Tradutziones Frantzesu blessure, contusion Ingresu wound, bruise Ispagnolu herida, mancha Italianu ferita, contusióne Tedescu Wunde, Quetschung.

fèrta , nf Definitzione genia de segada fata cun calecuna cosa a pistadura, a iscudidura, su singiale chi abbarrat; in cobertantza, fintzes dannu, dispraxere mannu chi no s’imméntigat / min. fertichedha Sinònimos e contràrios checa, feria Frases at postu azicu de abba pro li labare e disinfetare sa ferta ◊ mi ferit a s’àtera tita e mi giàt una ferta a brente! 2. galu abbarrant sos sinzos: in sa terra surcos, in su coro fertas (R.Porcu) Ètimu srd. Tradutziones Frantzesu blessure Ingresu hurt Ispagnolu herida Italianu ferita Tedescu Wunde.

liàga , nf: gliaga Definitzione malandra, genia de male (de segada, de freadura, de abbruxadura) chi in sa carena ndhe iscarràgiat sa carre bia; in cobertantza, unu malu a baliare, chie est de istrobbu che s'orrúngia Sinònimos e contràrios freadura, piae, piaga Frases ti apu a ungi is liagas cun s'ollu de is seti virtudis! ◊ is liagas de Cristus funta cincu 2. bell'àtara liaga, cussu!… Terminologia iscientìfica mld Ètimu spn. Tradutziones Frantzesu plaie, ulcère Ingresu ulcer, sore Ispagnolu llaga Italianu piaga, úlcera Tedescu Ulkus, Wunde.