Ditzionàriu in línia
de sa limba e de sa cultura sarda

prèsta , nf, nm: prestu 2 Definitzione totu su chi si giaet a un’àteru po si ndhe serbire ma faendho su contu de dhu torrare; fintzes su càmbiu, cosa chi si torrat in càmbiu de cosa arrecia Sinònimos e contràrios fidu, impréstidu, préstida Maneras de nàrrere csn: prestas càmbias = agiudu torrau, cosa chi si fait po s'agiudai s'unu cun s'àteru; torrare sa p. (in cobertantza) = torrare unu dirbetu, pagaresindhe, de un'ofesa; pan'e presta (in suspu) = vindita, dirbetu torradu Frases immoi dhi torru s'arrevesa, su pan'e presta! ◊ acabbada sa provista, immoi pigaus a presta 2. cini fait una befa si depet aspetari sa presta! Ètimu srd. Tradutziones Frantzesu prêt, emprunt Ingresu loan Ispagnolu préstamo Italianu prèstito Tedescu Leihe, Leihgabe.

préstida, préstidu, préstitu , nf, nm Definitzione css. cosa chi si lassat a unu po si ndhe serbire a unu bisóngiu ma faendho su contu de si dha torrare apustis Sinònimos e contràrios fidu, impréstidu, presta Maneras de nàrrere csn: torrare sa préstida = torrare s'azudu tentu, pagaresindhe de un'ofesa; pan'e préstidu (in suspu) = vindita, dirbetu torradu; dies préstidas (agt) = prestadas, fatas a càmbiu apare Frases sos massajos dant su trigu, torrendhe dediai sa préstida de sa peta de Pasca a sos ervegarzos ◊ si ses a serru de capitale ti giànt préstidos a torrare in annos medas ◊ chie azuat a fàghere sa faina torrat sa préstida 2. sas furas a bortas fint "pan'e préstidu" o àteras bengas ◊ lassaiant bínchere sos istintos piús bàscios e respondhiant a su sàmbene torrendhe sa préstida Ètimu itl. Tradutziones Frantzesu prêt, emprunt Ingresu loan Ispagnolu préstamo Italianu prèstito Tedescu Leihgabe.