ifundhàre , vrb: ilfunnare, irfundhare, isfundai, isfundhare, sfundai Definitzione segare, bogare o abbasciare su fundhu de unu trastu; segare matas de fundhu (cantu prus in bàsciu, fintzes a paris de terra), bogare de arraighinas Sinònimos e contràrios issundhare, sciundorai Frases no poto pònnere passu chi no s'isfundhat su terrinu in pes ◊ si ti seis in sa cradea su pesu tou l'irfundhat ◊ si li lompet a faladas de pè l'irfundhat su paneri! 2. élighes, chercos, totu ant isfundhadu: su monte chei su campu est resultadu (B.R.Carbone)◊ sa binza betza isfundhandhela! ◊ sas arvuritas si ndhe isfundhant dai s'arzola e si che achedhant in sulcos ◊ su bentu paret chi ndhe isfundhet sos chercos ◊ custa figu si no dat frutu ifundhandhela! Ètimu srd. Tradutziones Frantzesu défoncer Ingresu to break the bottom of, to mow Ispagnolu desfondar, cortar a ras del suelo Italianu sfondare, tagliare raso tèrra Tedescu den Boden ausschlagen.

ràsidu , agt Definitzione chi est fatu a rasu Sinònimos e contràrios rasau Tradutziones Frantzesu ras Ingresu smooth Ispagnolu raso, liso Italianu raso Tedescu glatt, flach.

ràsu , agt Definitzione nau mescamente de pilu, lana e cosas deasi, chi est segau a paris a sa pedhe, a paris a terra, curtzu curtzu, o, nau de istrégiu, chi est prenu giustu a oros; nau de terrenu, chi no dhue at matedu, logu límpiu Sinònimos e contràrios rapu, ràsidu, rateu Maneras de nàrrere csn: rasu rasu = zustu zustu; preíderu, sordadu r. = chentza grados nudha; missa rasa = rasada, nada ebbia, chentza cantare 2. su terrinu chi aiant bastaiat rasu rasu a los campare ◊ sas aes sunt andhendhe a bolu rasu ◊ sa missa chi apo intesu fit missa rasa Ètimu ltn. rasus Tradutziones Frantzesu ras Ingresu shaved Ispagnolu raso, llano, liso Italianu raso Tedescu glatt, flach, eben.

ràsu 2 , nm Definitzione genia de tessíngiu de seda Sinònimos e contràrios ispolinu Terminologia iscientìfica ts Ètimu itl. Tradutziones Frantzesu satin Ingresu satin Ispagnolu raso Italianu raso Tedescu Atlas.

«« Torra a chircare