caldàna , nf: cardana Definitzione basca forte in tempos de istade Sinònimos e contràrios ansa, calmana, fogara, fogora, pampana | ctr. frios Frases caldanas de inferru iscazant sa zente che catramu ◊ isse andhat donzi die a campu, a fritu e a caldanas ◊ mi so de abba frisca consoladu in dies sufocantes de caldana ◊ sas robbas sunt morzendhe de sidis a sa cardana de tríulas ◊ cun custas cardanas de sole, sa cosa prantada cheret abbada Terminologia iscientìfica tpm Ètimu itl. caldana Tradutziones Frantzesu chaleur accablante Ingresu stuffiness Ispagnolu caldo tórrido Italianu caldo eccessivo Tedescu Hitze.

demasiàdu , pps, agt Definitzione de demasiare; chi est prus de su chi serbit, chi sobrat, tropu Sinònimos e contràrios soberante, subélciu, subraprusu, tropu | ctr. mancante Ètimu spn. Tradutziones Frantzesu excédant, excessif, surabondant Ingresu exceeding, excessive, overabundant Ispagnolu demasiado Italianu eccedènte, eccessivo, sovrabbondante Tedescu übertrieben, übermäßig.

subélciu , agt, nm: subrecu, subercu, subésciu 1, supercu Definitzione chi est a tropu, prus de su chi dhue bollet, chi dhue ndh'at meda a cunforma de su tretu o de su tempus; su chi est in prus de su chi serbit po calecuna cosa / avb. a s., de s. = a tropu; fai ispesa suberca = ispèndhere a tropu Sinònimos e contràrios demasiadu / calcu | ctr. pacu, lenu Frases su frius subercu fait mali 2. su subélciu est dannosu in dogni edade 3. bi ndh'at chi sunt obbricaos tropu a supercu a fàchere su dovere Sambenados e Provèrbios prb: su subercu segat su cobercu Ètimu srd. Tradutziones Frantzesu excessif, superfluité Ingresu excessive, superfluity Ispagnolu excesivo, superfluidad Italianu sovèrchio, eccessivo, superfluità Tedescu übertrieben, Überfluss.

trópu , avb, agt, nm Definitzione chi o cosa chi est prus de su chi serbit, de su chi si podet, de su chi andhat bene: coment'e avb. si narat fintzes po tantu, meda, a solu o cun sa prep. a e acumpàngiat no solu verbos, agetivos e àteros avérbios, ma fintzes númenes (o si narat de númene) coment'e agetivu chentza però cuncordare che a s'agetivu / tropixedhu = unu pagu tropu! Sinònimos e contràrios demasiadu | ctr. pacu Frases no curras tropu, no ruas! ◊ no fatzas che Masciocu: o nudha o tropu! ◊ sa màchina currindhe a tropu la fortzas meda ◊ no t'istraches a tropu! 2. cussa cosa est tropu manna: non capit in logu! ◊ custu pipiu est tropu bellixedhu ◊ cussa fémina est tropu picioca po issu ◊ nosu seus tropu malatratadas de is pobidhus ◊ seu tropu cuntenta ◊ is istedhus funt tropu artus in su celu 3. est tropu trigadiu ◊ nos ndhe semus pesados tropu chito ◊ sezis torrados tropu luego ◊ tropu coitendhe azis fatu! 4. no mi niedas tropu cosas! ◊ tropu cosas dh'arregordat cussa domu! ◊ bi at tropu fritu, tropu néula, tropu calura ◊ custa cosa est tropu! ◊ eus tentu tropu pressi a segai is atrus testamentus! (A.Garau)◊ nc'est tropu genti morta de fàmini…◊ est tropu sa disocupatzioni ◊ ti leas tropu presse ◊ seu afastiau de sa tropu cosa chi apu papau ◊ in s'ierru at fatu tropu fridura ◊ nachi sos istudiados sunt tropu 5. su tropu andhat semper male ◊ su tropu est tropu! ◊ si semus in tropu andhat male che a èssere in pagos etotu ◊ bi ndhe at medas, tropu, chene regréssia e a fatza de sola Sambenados e Provèrbios prb: su tropu est cumpàngiu de su nudha ◊ su pagu no bastat, su tropu guastat Ètimu itl. Tradutziones Frantzesu trop, excessif Ingresu too (much), extreme Ispagnolu demasiado Italianu tròppo, eccessivo Tedescu zuviel, zu groß.

«« Torra a chircare