bigiadórgiu , nm: billadroxu,
bizadolzu,
bizadorzu,
vitzatógliu Definitzione
su istare ischidaos a giare atentzione a calecuna cosa (po malu o po bonu)/ fàghere bizadolzu = abarrai iscidus
Sinònimos e contràrios
billa,
billamentu,
billóngiu,
bizadura
Frases
ballos e bizadolzos ant lassadu ◊ si est isparta sa boghe chi bi aiat bizadolzu e acudit sa zente: una bella divertida! ◊ su bizadorzu de Missa de pudhu ◊ si faiat bigiadórgiu cun ballos e cantadores po sant'Antoni
Ètimu
srd.
Tradutziones
Frantzesu
veille
Ingresu
vigil
Ispagnolu
vela,
velada
Italianu
véglia,
veglióne
Tedescu
Wache,
Ball.
bílla , nf, nm: billu,
biza,
bizu Definitzione
su istare bigiandho, ischidaos; su istare atentos; su custodiare unu mortu, su abbarrare ischidaos po divertimentu a denote, pruschetotu candho si faent is ballos / èssiri intra billa e sonnu = a su dromm'ischida, itl. dormivéglia
Sinònimos e contràrios
bigiadórgiu,
billamentu,
billóngiu,
bizadura
| ctr.
sonnu
Frases
tra billa e sonnu mi est pàssiu de èssiri inténdiu s'enna pichiendi ◊ su bizu cheret nàrrere a istare atentos ◊ fui tra billu e sonnu pentzendi a fillu miu
2.
mi est costadu suores e bizas pro bínchere su tempus contràriu ◊ sa genti est a billa po sa dí chi portant su pisci a bendi
3.
a su mortu li faghiant sa biza e sa missa cantada ◊ in sa noti de billa s'indúlciat s'arregordu de unu nòmini ◊ tres notis de sighiu iant fatu is billus cun is sonadoris
Ètimu
srd.
Tradutziones
Frantzesu
veille
Ingresu
waking
Ispagnolu
vela,
velada
Italianu
véglia
Tedescu
Wache.