Legenda Incurtzaduras | Legenda Sìmbulos

canavàciu, canavàtzu , nm: canoatzu, cannabatzu, cannavatzu Definitzione genia de tela grussa, istràciu po frobbire; oros de unu terrenu chentza trebballaos, prenos de malesa 2. in sa caminera de s'idea agatamos cannabatzos brujados ebbia Ètimu itl. Tradutziones Frantzesu torchon, canevas Ingresu tea cloth Ispagnolu trapo Italianu canovàccio Tedescu Geschirrtuch.

frobbidórju, frobbidórzu , nm Definitzione orrugu de orrobba chi si passat po ndhe suspire isciustura o limpiare de su brutore / zúghere sa limba che f. de culu = èssere limbimalos Sinònimos e contràrios brobbidorju, orbidórgiu, treghidorzu / stratabbucu Ètimu srd. Tradutziones Frantzesu torchon, chiffon Ingresu duster Ispagnolu estropajo, trapo Italianu strofinàccio Tedescu Scheuertuch.

isfrigàtzu, isfrigàtzulu , nm Definitzione cantu de orrobba a frigare cosa Sinònimos e contràrios fricadorju, frigàtzulu Ètimu srd. Tradutziones Frantzesu torchon, chiffon Ingresu duster, tea cloth Ispagnolu bayeta (f), paño, trapo Italianu strofinàccio Tedescu Putztuch.

istràciu , nm: istratzu, stràciu Definitzione orrugu de orrobba, fintzes bestimentu béciu; una genia de druche fatu cun corgiolu de aràngiu Sinònimos e contràrios pindàciu 2 Maneras de nàrrere csn: pabiru de i. = zenia de pabilu russu, grogu, fatu pro imboligare cosa mescamente de butega; èssere un'i. (nadu de unu)= èssere réndhidu, lenu, chentza prus fortzas pro su dispiaghere, de s'istrachidúdine Frases robba noa no che ndh'at, ma istratzos!…◊ su munnu est coment'e una manta fata de istràcios Ètimu itl. Tradutziones Frantzesu haillon Ingresu rag Ispagnolu trapo Italianu céncio, stràccio Tedescu Lumpen.

sàpuli, sàpulu , nm: ciapu, tàpulu*, tzapu 1 Definitzione orrugu de orrobba chi si cosit a unu bestimentu iscorriau; acónciu in s'imbussadura o ischedradura de unu muru (unu tretu piticu)/ ndi calat su celu a sàpulus = est proindhe a mal'istropiadura Sinònimos e contràrios issàpuli, istràciu, napuitu, puntórgiu 1, taparatu Frases po tui podiant erribbai bestius de sàpulis e a cuadhu de burrincu! ◊ portat unu giubbotu totu prenu de sàpulis Tradutziones Frantzesu pièce, rapiècement Ingresu patch, rag Ispagnolu parche, trapo Italianu pèzza, rattòppo, stràccio Tedescu Lappen, Flicken.

«« Torra a chircare