Legenda Incurtzaduras | Legenda Sìmbulos

culivàla , agt Definitzione nau de ómine o de fémina, chi no aguantat segretu nudha, chi est coment'e isfundau Sinònimos e contràrios culianu, culiprude, culirbudhau, culusciagu, illanadu, irmendhajolu, isciodhau, isculatzadu, lendharzu, pidànciu, pirodha, scorruledhu | ctr. segretu, sizerru Frases cussu est unu culivala: no faghet a li nàrrere nudha chi deretu lu torrat a nàrrere Terminologia iscientìfica ntl Ètimu srd. Tradutziones Frantzesu rapporteur Ingresu blabber Ispagnolu chismoso, que no sabe guardar un secreto Italianu spifferóne Tedescu Plaudertasche.

cuntzèta , nf Definitzione acórdiu fatu chentza ndhe giare a ischire a neune àtere Tradutziones Frantzesu entente secrète Ingresu secret accord Ispagnolu acuerdo secreto Italianu intésa segréta Tedescu heimliches Einverständnis.

sarchétu , agt, nm: secretu, segretu, serchetu Definitzione chi o cosa chi no dh'ischit nemos o solu ccn. o in pagos; nau de unu, chi no iscóviat is cosas Sinònimos e contràrios cuadu, segliau | ctr. connotu, ischidu / cdh. sicretu / lendharzu, pidanceri Maneras de nàrrere csn: èssiri secretu = aguantai is segretus, citiri, no bolli nàrriri su ch'iscít; fàere una cosa a secretu = a iscusi, a s'acua; suspire sos segretos = collireche sos segretos, chircare de ischire sos segretos anzenos; segretu che tródhia (nau de ccn.) = culivala, chi iscóviat, narat totu Frases za ses segretu, chi no ndhe naras mancu a mie prommore ca ti so mama! ◊ tzia Marianna no fiat segreta e sciodhuedhàt is cosas a totu sa bidha ◊ arratza de mulleri segreta: su chi dhi at nau su maridu dh'ant iscípiu prus de binti bixinus! 2. si mi l'aiat nadu issa, su segretu, l'aia muntesu!◊ toca, isciolli sa chistioni: abbuidandi is sarchetus! ◊ in su radu apo fatu unu secretu: furo e no si ndhe abbizat su padronu! Ètimu itl. Tradutziones Frantzesu secret Ingresu secret Ispagnolu secreto Italianu segréto Tedescu geheim, Geheimnis.

secretèsa , nf: segretesa Definitzione su èssere segretu Sinònimos e contràrios cdh. sicritesa Frases custas sunt cosas de segretesa ◊ de me ti ammenta, fàghendhe pregontu, màndhami in segretesa un'imbasciada! ◊ in fatu de segretesa, cussu est unu putu isfundhadu! Tradutziones Frantzesu secret Ingresu secrecy Ispagnolu secreto Italianu segretézza Tedescu Heimlichkeit.

«« Torra a chircare