Ditzionàriu in línia
de sa limba e de sa cultura sarda

addenòte , avb Definitzione a de note: candho est note, a oras de iscuru Sinònimos e contràrios | ctr. addedie Frases s'ispàssiu prus mannu fit addenote: sos erederis contabant istórias, bibiant e fachiant tenores ◊ in iverru addenote ghetat àstragu, in notes ciaras Ètimu srd. Tradutziones Frantzesu nuitamment Ingresu at night Ispagnolu de noche Italianu nottetèmpo Tedescu nachts.

denòte, denòti , nm, avb Definitzione sa parte de sa die chi istat a s'iscuru, iscurigada / a d. = candu est iscurigau Sinònimos e contràrios note | ctr. die Frases est denote mannu ◊ male a didie e pejus a denote semus continu in irgherramatzina ◊ est torrau a su denoti tardu ◊ cantu buscaias su denote in giru? ◊ sa luna est a denote Ètimu srd. Tradutziones Frantzesu nuit Ingresu night Ispagnolu noche Italianu nòtte Tedescu Nacht, nachts.

istanòte, istanòti , avb Definitzione custa note, sa note chi est prus acanta a s'ora chi unu est foedhandho (deosi, segundhu s'ora si precisat puru cun passada, chi benit) Sinònimos e contràrios nontesta Frases istanote nonnu ti contat sa paristória de Bachisedhu ◊ Elias fit chin nois istanote colada cumbatendhe sa dirgràssia de sa nibera ◊ istanote ite sónnios che ponzo in su giógulu caldu? ◊ istanote, a pudhiles mi che so ingalenadu ◊ foltzis naschet istanote o cras! Terminologia iscientìfica tpc Tradutziones Frantzesu cette nuit Ingresu tonight Ispagnolu esta noche (pres.), anoche (pass.) Italianu stanòtte Tedescu heute nacht.

istasèra, istasèro , avb Definitzione custu sero, su sero de oe, oe a mericedhu, a primu note Sinònimos e contràrios oesero Frases pioet istasera e càglio ca no lughet su sole (G.Orgolesu)◊ istasero bi est sa riunione pro sa festa ◊ a domo torro istasero Terminologia iscientìfica tpc Tradutziones Frantzesu ce soir Ingresu this evening Ispagnolu esta noche Italianu staséra Tedescu heute abend.

nontèsta , avb: notesta Definitzione custa note, su note chi est prus acanta a s'ora chi unu est foedhandho / noti de notesta = istanote (ma fintzes su matessi note de àterun'annu) Sinònimos e contràrios istanote Frases in su sonnu notesta dh'apu bia sétzida acanta mia ◊ càstiu su celu: notesta no si bit unu strallu de istellas ◊ notesta a is seti dh'aspetat innòi ◊ bufai, piciocus, e cantai comenti eus cantau àtaras notis in noti de notesta! ◊ nontesta sestu e cosu su bistiri a sa pipia…◊ nontesta in custu bichinau sutzedet cosa manna! Terminologia iscientìfica tpc Ètimu ltn. nocte ista Tradutziones Frantzesu cette nuit Ingresu tonight Ispagnolu esta noche (pres), anoche (pass) Italianu stanòtte Tedescu heute nacht.

notàda , nf Definitzione totu s'ora de sa note, mescamente pentzada po sa genia de tempus chi faet Sinònimos e contràrios | ctr. diada Frases su pastore bizat a pesa e corca in sa notada ◊ arratza de notada istanote: bentu forte pariat chi che fit lendhe totu! ◊ s'ispíritu chi a totu lughe dada est pro sos Sardos guida sigura che faru luminosu in sa notada ◊ como l'isco inue che passat sa notada! Terminologia iscientìfica tpc Tradutziones Frantzesu nuit Ingresu night (period of a) Ispagnolu noche Italianu nottata Tedescu Nacht, Nachtzeit.

nòte , nm, nf: noti Definitzione parte de sa die de s'iscurigada a s'abbréschia, totu is oras de iscuru (in srd. est foedhu de genia mascu, ma si faet meda a fémina puru) Sinònimos e contràrios | ctr. die Maneras de nàrrere csn: avb. note note, n. cun n. = tota note, a totu noti, a note intrea; note e die = a note e a die, a denote e a dedie; passade bona note! = itl. buòna nòtte!; a primu noti, a primu notedhu = comente iscúrigat, sas primas oras de su note; intremesu de noti, in corfu de note = intro de note, a note russa, a noti incrófia, a pizas de denote, a note manna, a tardu de noti, a tardu mannu de note; badhau noti = a manzanu; note manna = longa, chi durat meda (coment'e in zerru); tristu chei sa note = tristu meda; pònnere o leare su die po su note = abarrai a totu noti o fintzas tropu a trigadiu ispassiendisí, in giru, e abarrai crocaus drommius a dedí; passare sa note = itl. pernottare Frases colorida mariposa, solu a note pasas ◊ candu babbu tuu fut trabballendi, dèu abarrai a totu noti sola ◊ bi at una sirena chi cantat note e die ◊ Deus ti dongat bona noti a passai! ◊ passade bona note! ◊ pro custu note no bi at diferéntzia (Zizi)◊ est una noti maba ◊ su note lis paret die e recuint a s'ora de ch'essire ◊ custa pregadoria est po su noti 2. tandho note note mi drommia ◊ ant ballau note cun note ◊ e tui permitis a filla tua de abarrai a tant'oras de noti foras de domu?! ◊ a primu note fio andhau a dommo sua e mi fio frimmau a tradu mannu Terminologia iscientìfica sdi Ètimu ltn. nocte(m) Tradutziones Frantzesu nuit Ingresu night Ispagnolu noche Italianu nòtte Tedescu Nacht.

sèra , nf, nm: sero Definitzione sa segundha parte de sa die, de mesudie in pitzu, ma mescamente de s'iscurigada a mesunote: parte de sero, bortaedie, merie, mericedhu, e deosi fintzes saludu Bonassera! / a/c. a logos narant su sera, nm. fintzes cun desinéntzia in -a Sinònimos e contràrios bortaedie, mericedhu, serina | ctr. mengianu Maneras de nàrrere csn: a serighedhu = candho est intrendhesiche su sole; a primu sero = su sero note, ma ancora chito; sero sero = totu su sero, totu su tempus de su sero; custu sero = istasero; fàchere sero = passare ora (a parte de sero) Frases fata sa zorronada, recuo a tarda sera ◊ donzi sero apustis chenadu si ch'essit a ziru ◊ e cantos seros colados contendhe contos!…◊ l'imbucas a bufare dae manzanu: a candho a sero pares un'istratzu! ◊ su sero ghiraiat istracu dae campu ◊ custu sera proet ◊ su sera ant fatu festa ◊ Pedru si trateniat chin issos su sera ◊ sunt sas bàtoro: bi ndh'at, de sero, ancora! Terminologia iscientìfica sdi Ètimu ltn. sero Tradutziones Frantzesu soir, soirée Ingresu evening Ispagnolu tarde, noche Italianu séra, serata Tedescu Abend.

seràna , nf, nm: seranu Definitzione tempus de sero, merie, sero; logu ue si ballat is seros Sinònimos e contràrios seranile, serantina Frases a seranu sas famíglias si riuniant a nàrrere contos ◊ a seranu sas camineras no si bident bene ◊ ite tristu seranu, custu sero! ◊ su sero fit de abberu una serana de canes de su mese de giannàgliu ◊ bona serana a totus! 2. mi nche andho deretu a su seranu a ballare (S.Spiggia)◊ fizu meu, custas no sunt notes de colare in su seranu! Terminologia iscientìfica sdi Ètimu spn. serano Tradutziones Frantzesu soirée Ingresu evening Ispagnolu noche Italianu serata Tedescu Abend.

serantína , nf, nm: serentina, serentinu Definitzione is oras de parte de sero, fintzes a note; fintzes note frita, astrada / a s. = a mericedhu; a mesa s. = a merí, bortaedie Sinònimos e contràrios bortaedie, merí / serana, seranile / cdh., ttrs. sirintina | ctr. manzanile Frases a manzanu amus triballadu: pustis manigadu, in serentina amus finas balladu ◊ bi sunt dae serentina: che est note russa e issos ancora in cue! ◊ mama issa puru e giaja e poi isaja, dai s'alvèschere fin'a serentina setziat in s'iscannu che reina pramma fozida, fiorida maja (P.Casu)◊ a su serentinu nos semus ritirados Terminologia iscientìfica sdi Tradutziones Frantzesu soirée Ingresu evening Ispagnolu noche Italianu serata Tedescu Abend.