fèche , nf: fege, feghe, fegi, fexa, fexe, fexi Definitzione su fundhurúgiu chi in s'istrégiu faet su binu (mescamente de primu iscupu); nau meda in cobertantza e a disprétziu, binu etotu, fintzes s'imbriagone; su ladamíngiu de istentinas Sinònimos e contràrios binu / fegone, fexadori Maneras de nàrrere csn: conca de feghe, prenu de fexi = cola fexi, imbriagone, fegone; èssere a una feghe, a conca de feghe = imbriagu pérdiu; Pedru Feghe = su númene chi si ponet a sos imbriagones; sa fortuna de Predu Feghe…= sa peus chi dhoi potzat èssiri; predu feche = erba de cardaneras; incubai asuba de sa fexi = annúnghere pane a brou, annúnghere dannu a su dannu, peorare sas cosas Frases depiat èssi binu bonu diaderus si feti su fragu de sa fexi mi ndi pigat is sentidus! ◊ ti ses fatu feghe chentza mancu intrare in cuba ◊ imbriagone pudéssiu, feghe portas in conca! ◊ pigadí su cafè, aici si in cropus portas ancora fexi bècia murighendi ti dh’assentat! 2. cussu si cochet a feche ◊ in s'arrogantia fint che zente atzesa de calore de feghe ◊ candho est a una feghe minetat a totugantos ◊ cussu candho est a conca de feghe arrogat e brigat ◊ tui no balis sa fexi pudéscia de is mocas mias! ◊ candho s'imbreaghiat si li faghiat sa cara che sa feghe Sambenados e Provèrbios prb: binu bonu fintz'a fege Ètimu ltn. faece(m) Tradutziones Frantzesu lie Ingresu dregs Ispagnolu hez, borra Italianu fèccia Tedescu Hefe.

múcra , nf, nm: mugra 1, múlcia, múlciu, mulga, murca, múrcia, murga 1, múscia Definitzione su fundhurúgiu chi lassat s'ógiu in su fundhu de s'istrégiu Sinònimos e contràrios cerfa, fundhuluza, madrocu, murxidha, murza 1, undhale Maneras de nàrrere csn: sa mucra, sa múscia de su cafè = sa mama de su gafè, su gafè maghinadu chi si fúliat irfrutuadu; èssere a una murca de suore = covacadu a suore, totu isciustu de sudori, colagola Frases s'ozu candho at bene pasadu lassat sa murca in su fundhu de s'isterzu ◊ s'ozu fit bene chirriadu e at fatu pagu murca Sambenados e Provèrbios smb: Murga Ètimu ltn. amurca Tradutziones Frantzesu dépôt Ingresu greasy deposit Ispagnolu hez Italianu mòrchia Tedescu Ölschlamm, Ölhefe.

«« Torra a chircare