Legenda Incurtzaduras | Legenda Sìmbulos

brúscia , nf: brussa, bruxa 1 Definitzione fémina chi faet fatúgios; fémina mala chi istat sèmpere in crica de ómines; una genia de arangioledhu chi assimbígiat unu pagu a s'àrgia / erba de brúscias = Stachys arvensis Sinònimos e contràrios brusciona, coga, fatiàrgia, maghiàglia, mainàrgia / brusciota / aragnolu Frases dhi contàt is contus de is brúscias de s'antigóriu, candu in bidha fintzas is predis fiant brúscius ◊ in bidha nostra sa genti narat "bruxa" e no "brúscia" Ètimu ctl., spn. bruxa Tradutziones Frantzesu sorcière Ingresu witch Ispagnolu bruja Italianu stréga Tedescu Hexe.

còga , nf Definitzione fatiàrgia, fémina chi faet majarzadorias, fatúgios; èssere de sa fantasia / saucu de cogas = bolàdiga o sambinzu Sinònimos e contràrios brusciona, maghiàglia, mainàrgia Frases sa coga iat betau vrebbu légiu a chini fut addolimendu in su letu 2. unu tempus si agatàt una coga mala, pitica e lexa, cun s'ischina acorcoedhà e su nasu longu ◊ iat allutu una làntia a santu Sisinni po ndi libberai sa domu e su pipìu de is cogas ◊ a dedie sa coga podiat èssere una fémina che is atras, ma dónnia note si trasformàt in s'ispíritu Sambenados e Provèrbios smb: Coga Ètimu ltn. coca Tradutziones Frantzesu sorcière Ingresu witch Ispagnolu bruja Italianu fattucchièra Tedescu Zauberin.

maghiàglia , nf: magiàrgia, magiarza, majàrgia, majarza, majaxa, mazarza Definitzione fémina chi faet maias, fatúgios Sinònimos e contràrios brusciona, mainàrgia Frases cussa fémina paret una mazarza ◊ is majàrgias naiant ca che podiant bogare is ispíritos, a pagamentu! 2. como ti arràngio deo, magiarza chi no ses àtera! Ètimu srd. Tradutziones Frantzesu magicienne Ingresu sorceress Ispagnolu bruja, hechicera Italianu maga Tedescu Zauberin, Magierin.

peàda 1 , nf Definitzione animaledhu de mare, croxiu, a corgiolu tostau e totu farrancas o peis (deghe) chi si nche istichit e bivet po difesa aintru de unu tzintzigorredhu buidu Sinònimos e contràrios francusina 2 Terminologia iscientìfica crx, paguristes oculatus, clibanarius misanthropus, diogenes pugilator Tradutziones Frantzesu bernard-l'ermite Ingresu hermit-crab Ispagnolu cangrejo ermitaño, caracol bruja, magurio Italianu bernardo l'eremita Tedescu Einsiedlerkrebs.

«« Torra a chircare