matimbródhiu , nm: matzabbódhiu, matzambódhiu, matzimbódiu, matzimbóligu, matzimbródhiu Definitzione cosa betada apare de no si ndhe cumprèndhere nudha (fintzes fata apostadamente, fintzes a ingannu)/ fai una cosa a matzambódhiu = fàghere sa cosa chentza contivizu, chentza bi pessare bene Sinònimos e contràrios farrambódhiu, imbraúciulu, maciamurru, martiguserzu / biraorba Frases sa Sardigna oi benit cunfúndia in su matzabbódhiu de is regionis italianas ◊ fachet mulinadas a forma de colobra e totu unu muntone de matimbródhios ◊ sa cosa o si faghet bene o essit unu matzimbóligu Ètimu itl. + matza + imbódhiu Tradutziones Frantzesu fatras Ingresu muddle Ispagnolu amasijo, batiburrillo Italianu guazzabùglio Tedescu Durcheinander, Mischmasch.

milciamurédhu , nm: misciamuredha, misciamuredhu Definitzione cosa fata male, a improdhu, betada apare chentza órdine e ne critériu / a m. = betadu apare, totugantu a méschiu Sinònimos e contràrios algadaria, disórdine, impródhiu, isórdulu, maciamurru, milcialisèbera, trobodhu Frases fint maridu e muzere e paritzas criaduras, totu ammuntonados a misciamuredhu in duos aposentos Tradutziones Frantzesu fatras, désordre Ingresu mess Ispagnolu amasijo, batiburrillo Italianu guazzabùglio, disórdine Tedescu Hudelei.

«« Torra a chircare