Legenda Incurtzaduras | Legenda Sìmbulos

agghirrisonàre , vrb Definitzione fàere a ghirrisone (nau pruschetotu de mata arestada), betare e intrare totu apare; nau de logu, prènnere de matedu cracu chi no faet a dhue passare Sinònimos e contràrios abberrisonare*, aggadhionai, iscrisionare, trabojare, trebedhai / intupire Tradutziones Frantzesu embrouiller, ébouriffer Ingresu to muddle Ispagnolu enmarañarse, enmalecerse Italianu arruffare Tedescu durcheinanderbringen.

cumbòja, cumbóju , nf, nm: cumbuju Sinònimos e contràrios abbolotu, iscurremusu, trambullu Frases in totu custa cumboja, unus cantus iant fatu chistionai unu certu Alisandru, chi acinnada cun sa manu a sa genti de si citiri poita essit pótziu fuedhai 2. est una cumboja de piscis difarentis cassaus aintru de una retza manna ◊ in cussa cumboja de atoris Opinedhu iat arriciu imprassadas, tzugadedhas, ispítzulus 3. fut totu unu murigu, una cumboja, unu badhironi, un'inferru truessau de tiàulus de ónnia ginia Tradutziones Frantzesu confusion Ingresu muddle Ispagnolu confusión, barullo Italianu confusióne, trambusto Tedescu Durcheinander.

imprabàstulu , nm: imprapàstulu Definitzione su imprabastulare, su foedhare a imprabastuladura, chentza chi si cumprendhat bene ite si narat; foedhada chentza cabu fata betandho totu apare Sinònimos e contràrios imprabastu, matimbródhiu, milciamuredhu Frases a su pitzinnu l'at intesu nendhe "Babbu!" a imprapàstulu, ca comintzat a ispricare carchi paràula Ètimu srd. Tradutziones Frantzesu fatras Ingresu muddle Ispagnolu tartamudeo Italianu guazzabùglio Tedescu Wirrwarr.

mangiúcu , nm Definitzione unu papare fatu male; cosa fata male, a improdhu, cosas ammesturadas apare chentza critériu Sinònimos e contràrios mandhufu / abbaunzu, abbunzadura, aciorodhu, afioncu, coredhu, improdhu, indróvigu Frases po ghisau coxinas tui etotu su mangiucu chi ti tenit in pei ◊ is malis no si sanant cun mangiucus de erbas ammesturadas a farra de corru abbrabau! 2. no seu aici basucu: si nci ant fatu mangiucu, in su binu, dhu connòsciu de s'arrastu Ètimu srd. Tradutziones Frantzesu mixture, mélange Ingresu swill, muddle Ispagnolu brebaje, potingue, mejunje Italianu intrùglio Tedescu Fraß, Mischmasch.

matimbródhiu , nm: matzabbódhiu, matzambódhiu, matzimbódiu, matzimbóligu, matzimbródhiu Definitzione cosa betada apare de no si ndhe cumprèndhere nudha (fintzes fata apostadamente, fintzes a ingannu)/ fai una cosa a matzambódhiu = fàghere sa cosa chentza contivizu, chentza bi pessare bene Sinònimos e contràrios farrambódhiu, imbraúciulu, maciamurru, martiguserzu / biraorba Frases sa Sardigna oi benit cunfúndia in su matzabbódhiu de is regionis italianas ◊ fachet mulinadas a forma de colobra e totu unu muntone de matimbródhios ◊ sa cosa o si faghet bene o essit unu matzimbóligu Ètimu itl. + matza + imbódhiu Tradutziones Frantzesu fatras Ingresu muddle Ispagnolu amasijo, batiburrillo Italianu guazzabùglio Tedescu Durcheinander, Mischmasch.

«« Torra a chircare