àstru , nm Definitzione
css. corpus lughente che a su Sole (Sole e istedhos), in s'universu; nau de gente, persona de capacidades mannas e bonas, de pòdere ammastriare, giare lughe, sabiore a is àteros
Maneras de nàrrere
csn:
a. malu = mala fortuna; portare a. faghindhe cosa = zúghere abbilesa manna (fintzas tropu); papàresi is astros = manigare a mal'istropiadura, a tropu
Frases
s'astru lughente e giaru che su die at brilladu in Sardigna ◊ iscuru a chie naschet in malu astru! ◊ est pensandhe a sos astros ◊ si funt fuius che astrus ◊ ses fortunadu e nàschidu in bon'astru, ma no ndhe fetas profitu e ne dannu!(A.Puddu)
2.
sa Terra ancora no at bidu un'astru sentza imparadu diventare mastru ◊ unu at a portai un'astru poéticu, ma si no connoscit sa língua no at a èssi mai poeta
Sambenados e Provèrbios
prb:
s'ómine sàbiu istransit s'astru malu
Terminologia iscientìfica
astr
Tradutziones
Frantzesu
astre
Ingresu
star
Ispagnolu
astro
Italianu
astro
Tedescu
Stern.
istédhu , nm: stedhu Definitzione
astru lughente, inchesu, chi si biet in s'aera iscurigada, unu sole etotu (e dhue ndh'at chi funt meda prus mannos de su Sole) ma deasi atesu chi medas no si arrennescet a dhos bíere a ogu límpiu (e de cussos chi si bient dhue ndh'at medas chi funt galàssias)/ min. istedhighedhu; i. de chenadorzu, de orbèsciri, de prua a terra = itl. Vènere
Sinònimos e contràrios
burtedhu,
iltella,
urtedhu 1
Frases
lughias che istedhu ◊ su mundhu est pienu de Satanassos che istedhos in s'aera ◊ che istedhu giaru in sa funtana lughet s'ispera ◊ intro meu che zuto su lugore de mizas de istedhos de s'aera
2.
torra, bella, a sa fentana, ca un'istedhu ses tue!
Terminologia iscientìfica
astr
Ètimu
ltn.
stella
Tradutziones
Frantzesu
étoile
Ingresu
star
Ispagnolu
estrella
Italianu
stélla
Tedescu
Stern.