cantízu , nm Definitzione moida comente a càntigu Sinònimos e contràrios càntidu, marmutu Frases sos rizolos sunt falendhe lenos lenos a cantizu Ètimu srd. Tradutziones Frantzesu murmure Ingresu murmur Ispagnolu murmullo Italianu mormorìo Tedescu Gemurmel.

frichiníu , nm Definitzione moida coment'e de cosa firchinendhe, segandho a farinos Sinònimos e contràrios moida, ischimuzu Frases fit ascurtendhe su frichiniu de s'abba in su traghinu Ètimu srd. Tradutziones Frantzesu murmure Ingresu murmur Ispagnolu murmullo Italianu mormorìo Tedescu Rauschen.

marmútu , nm: mulmutu, murmutu Definitzione genia de moida sighia (fintzes cantighedhu) Sinònimos e contràrios ammuinamentu, aroroju, mummúchiu, mummuju / iscantaritzu Frases e acolla, s'abe, a marmutu a marmutu! ◊ su murmutu de su ribu ◊ cantaiat a murmutu poesias improvisadas ◊ agabbamila cun custu murmutu, ca so a dolore de conca! Ètimu srd. Tradutziones Frantzesu murmure, cantilène Ingresu murmur Ispagnolu murmullo, cantinela Italianu mormorìo, cantilèna Tedescu Stimmengewirr, Rauschen, Kantilene.

mormuzàre , vrb Definitzione istare cantandho o foedhandho a murmutu Sinònimos e contràrios mulmutare*, mummucare Tradutziones Frantzesu murmurer Ingresu to murmur Ispagnolu murmurar Italianu mormorare Tedescu murmeln.

múschiu , nm: ammúsciu, músciu 2 (mú-sci-u) Definitzione genia de chèscia chi si faet candho si agatat cosa de nàrrere, discuntentos, a protesta; cosa nada agiummai a iscúsiu, boghighedha bàscia Sinònimos e contràrios murrúngiu / irmúsciu, mutuzu, píliu, pisintzu, simúschiu, súlida, tzíliu, tzúniu Frases no mi esseit mancu músciu: timendhe tratenzei fintzas su túsciu ◊ tui ses bellu a fuedhai in domu, ma candu ses aranti de issu no ses capatzu de nci bogai unu músciu 2. camminant a costau de pari sena de bogai músciu ◊ su brúsciu isceti cun d-unu músciu apodhat sa maladia! ◊ no s'intendhet mancu múschiu ◊ no at mancu nau músciu ◊ is picioconedhos faent su chi dhis ponent a fàere chentza bogare múschiu Ètimu srd. Tradutziones Frantzesu grognement continuel (reg.), continuelle rouspétance (fam.), murmure, chuchotement Ingresu grunt, murmur, whisper Ispagnolu gruñido, susurro Italianu mugugno, sussurro, bisbìglio Tedescu Brummen, Flüstern.

pispísiu, pispísu , nm Definitzione moidedha chi agigu s'intendhet, coment'e de gente iscusietandho, de cosa camminandho, frigandho Sinònimos e contràrios ciuciu, lollúghine, lolluine, pibinu, píliu, pisibisi 1, pisighinzu, spibisu, vuvusu Frases su pispisu de sa genti in sa festa, de is matas candu dhoi at bentu ◊ s'intendhet pispisu de passos, de puzones ◊ intendei pispisu ma no cumprendei nudha ◊ ti fut bastau unu pispisu po mi arregordai cussu doveri! Ètimu srd. Tradutziones Frantzesu chuchotement, bourdonnement Ingresu murmur Ispagnolu runrún, zumbido, bisbiseo Italianu bisbìglio, brusìo Tedescu Flüstern, Geräusch.

«« Torra a chircare