Legenda Incurtzaduras | Legenda Sìmbulos

giarèsa , nf: craresa* Definitzione su èssere craru, su dhue àere o fàere lughe meda Sinònimos e contràrios giaria, giarura, lucura Frases sa giaresa de sa die est de prus in istiu ◊ isetamus sa luna in notes piús bellas piena de giaresa e de lugore Tradutziones Frantzesu luminosité Ingresu brightness Ispagnolu luminosidad Italianu luminosità Tedescu Helligkeit.

illuinòre , nm Definitzione lughe forte, lughe meda; furriamentu de conca Sinònimos e contràrios alluinamentu, alluinu, giaria, giarura, illughinadura, lucura / ibbadhinamentu, illúghinu, insimíngiu Frases coladu mesaustu, sas dies imminórigant e finas sas oras de mesudie no ant piús cudhu illuinore de su coro de s'istadiale 2. sos fiores de su cagarantu ndhe batint s'illuinore cun s'istúrridu Ètimu srd. Tradutziones Frantzesu lueur, luminosité Ingresu brightness Ispagnolu resplandor Italianu luminosità Tedescu Helligkeit.

limpidòre , nm: limpiore, limpiori Definitzione su èssere netu, límpiu Sinònimos e contràrios limpidesa, netesa, netiore | ctr. brutore Frases sa domu sua dha connoscint totus in bixinau po bellesa e po limpiori ◊ est aderetzendi su logu e circhendi de fai limpiori Ètimu srd. Tradutziones Frantzesu propreté Ingresu brightness Ispagnolu nitidez Italianu nitóre Tedescu Reinheit.

lucúra , nf: lugura Definitzione su dhue àere o betare lughe, giare lughe / l. de istedhos = lugore Sinònimos e contràrios giaria, luchidore, lucore, lughia / cdh. luciura Frases fit die iscurosa e metzana, ma su sole mustresit totu sa lugura sua candho ti ant postu in sa losa ◊ sa poesia at ispartu rajos de lugura in Sardigna ◊ in tantu iscuru ant betadu lucura ◊ sighi costante s'istiga segura de s'arte antiga nóbbile e serena chi ghiat sola a portos de lugura (P.Casu)◊ su sole dae ora ch'est colcadu, sas istellas no ana prus lucura (P.Cabras)◊ acò chi mi passat in sa mente che unu lampu de lugura su comintzu de sa vida! Ètimu srd. Tradutziones Frantzesu luminosité, splendeur Ingresu brightness Ispagnolu luminosidad Italianu luminosità, splendóre Tedescu Helligkeit, Glanz.

nidòri , nm: niroi, nitore Definitzione biancura, su èssere biancu nidu Sinònimos e contràrios biancore, biancura, candhidesa, nidesa Ètimu srd. Tradutziones Frantzesu pureté Ingresu brightness Ispagnolu nitidez Italianu nitóre Tedescu Klarheit.

«« Torra a chircare