Ditzionàriu in línia
de sa limba e de sa cultura sarda

innidèsa , nf Definitzione su èssere ínnidu, nidu, chentza tocau, fintzes chentza malesa de pecau o de curpa Sinònimos e contràrios nedidesa, nidesa, verzinidade Frases sa fide fit meda manna e s'innidesa sua che imberghiat chene perunu isfortzu sa tentassione ◊ cantu ses bellu, reposu, candu si lassas assussegai cun sa cuscéntzia e s'imprassas po si donai innidesa! Ètimu srd. Tradutziones Frantzesu intégrité, pureté Ingresu integrity, purity Ispagnolu integridad Italianu integrità, purézza Tedescu Rechtschaffenheit, Reinheit.

limpidòre , nm: limpiore, limpiori Definitzione su èssere netu, límpiu Sinònimos e contràrios limpidesa, netesa, netiore | ctr. brutore Frases sa domu sua dha connoscint totus in bixinau po bellesa e po limpiori ◊ est aderetzendi su logu e circhendi de fai limpiori Ètimu srd. Tradutziones Frantzesu propreté Ingresu brightness Ispagnolu nitidez Italianu nitóre Tedescu Reinheit.

nidèsa , nf Definitzione su èssere biancu meda, nidu, su èssere bellu límpiu límpiu de una cosa, o fintzes nau de gente po su bonu fàere chi tenet Sinònimos e contràrios nidori Frases s'arena de su mari at pérdiu sa nidesa Ètimu srd. Tradutziones Frantzesu propreté, pureté Ingresu clearness Ispagnolu nitidez Italianu nitidézza, nitóre Tedescu Reinheit.

purèsa , nf Definitzione su èssere netos, límpios de dónnia malesa, de malidade e de neghe Frases de custu santu ammiraus sa fortalesa cristiana, sa puresa de is costumus Tradutziones Frantzesu pureté Ingresu purity Ispagnolu pureza Italianu purézza Tedescu Reinheit.