brilladúra , nf Definitzione su brigliare, giare coment'e lughe; foedhandho de movimentu, imbrilladura, betadura de atesu Sinònimos e contràrios brillamentu Ètimu srd. Tradutziones Frantzesu luminosité, luminance Ingresu twinkling Ispagnolu brillo Italianu brillaménto Tedescu Glänzen.

giarèsa , nf: craresa* Definitzione su èssere craru, su dhue àere o fàere lughe meda Sinònimos e contràrios giaria, giarura, lucura Frases sa giaresa de sa die est de prus in istiu ◊ isetamus sa luna in notes piús bellas piena de giaresa e de lugore Tradutziones Frantzesu luminosité Ingresu brightness Ispagnolu luminosidad Italianu luminosità Tedescu Helligkeit.

giaría , nf Definitzione su èssere craru, su dhue àere o fàere lughe meda, nau fintzes de su lúghere de unu logu, de una faina Sinònimos e contràrios giaresa, giarura, lucura | ctr. iscuricore Frases serra e piana ti dant tribbulia, a suore t'ispremit sa matzola, ma sa butega est tota una giaria (P.Casu)◊ sa giaria de su sole e de sas istellas ◊ s'idiat a levante una lugura fatu fatu andhendhe in aumentu in mannesa, in giaria e in bellura (P.Sulis) Tradutziones Frantzesu lueur, luminosité Ingresu brilliancy Ispagnolu claridad, luminosidad Italianu chiaróre, luminosità Tedescu Helligkeit, Klarheit.

illuinòre , nm Definitzione lughe forte, lughe meda; furriamentu de conca Sinònimos e contràrios alluinamentu, alluinu, giaria, giarura, illughinadura, lucura / ibbadhinamentu, illúghinu, insimíngiu Frases coladu mesaustu, sas dies imminórigant e finas sas oras de mesudie no ant piús cudhu illuinore de su coro de s'istadiale 2. sos fiores de su cagarantu ndhe batint s'illuinore cun s'istúrridu Ètimu srd. Tradutziones Frantzesu lueur, luminosité Ingresu brightness Ispagnolu resplandor Italianu luminosità Tedescu Helligkeit.

lucúra , nf: lugura Definitzione su dhue àere o betare lughe, giare lughe / l. de istedhos = lugore Sinònimos e contràrios giaria, luchidore, lucore, lughia / cdh. luciura Frases fit die iscurosa e metzana, ma su sole mustresit totu sa lugura sua candho ti ant postu in sa losa ◊ sa poesia at ispartu rajos de lugura in Sardigna ◊ in tantu iscuru ant betadu lucura ◊ sighi costante s'istiga segura de s'arte antiga nóbbile e serena chi ghiat sola a portos de lugura (P.Casu)◊ su sole dae ora ch'est colcadu, sas istellas no ana prus lucura (P.Cabras)◊ acò chi mi passat in sa mente che unu lampu de lugura su comintzu de sa vida! Ètimu srd. Tradutziones Frantzesu luminosité, splendeur Ingresu brightness Ispagnolu luminosidad Italianu luminosità, splendóre Tedescu Helligkeit, Glanz.

«« Torra a chircare