Legenda Incurtzaduras | Legenda Sìmbulos

babbarrótu , nm: bobborotu, bobborroti, bobborrotu, bobborrotzi Definitzione fèlega, genia de bobboi niedhudu chi faet in logos de umidore, mescamente aintru de domo inue essit a denote, de colore agiummai niedhu / bobborrotu de balla = aberigúngia Sinònimos e contràrios babbasaju, brabeta, buvone, cadalana, candhulitu, garrapiu 1, melaghe, partabúdiga, patedha, paulina, sasàgia, scarfajoni, súliga Frases sos bobborrotos si firmabant e lassabant su trabballu ◊ su gorropu est unu furriadorzu de istrias, acoilat bobborrotis e tirpias ◊ bi ndh'at de bobborrotzis in su padente!… Terminologia iscientìfica crp, blatta orientalis Ètimu srd. Tradutziones Frantzesu blatte Ingresu beetle Ispagnolu escarabajo, cucaracha Italianu scarafàggio Tedescu Küchenschabe, Kakerlak, Schabe.

boedomàsu , nm Definitzione genia de bobboi che a su carrabbusu, ma a unu corru in mesu de conca Sinònimos e contràrios corrimpalas Terminologia iscientìfica crp, oryctes grypus Tradutziones Frantzesu scarabée Ingresu single-horned beetle Ispagnolu escarabajo Italianu scarabèo unicòrno Tedescu einhörniger Käfer.

cadalàna , nf, nm: cadalanu, cadarana, cadelana, cadelanu, cagalanu Definitzione genia de bobboi niedhudu chi faet in is domos si dhue at umidade Sinònimos e contràrios apeta, babbalocu, babbasaju, brabeta, buvone, candhulitu, fèlega, gríglia, melaghe, partabúdiga, patedha, paulina, perta, sasàgia, scarfajoni Frases cadelanas niedhas, sutzadores de sàmbene faineris, torrade addaisegus! (G.Fiori) Sambenados e Provèrbios smb: Cadalanu, Cadelanu Terminologia iscientìfica crp Tradutziones Frantzesu blatte Ingresu beetle Ispagnolu escarabajo Italianu blatta Tedescu Kakerlak.

carrabbúsu , nm Definitzione bobboi niedhu de tantas calidades chi allòmborat e orrúmbulat su ladamíngiu de is animales; àtera genia de bobboi puru (es. pretedha o fèlega); nau a befa, persona de carena bàscia e grussa / c. issedhau = persona de perunu contu ma presumia meda Sinònimos e contràrios acarrabboi, buvone, carragarra, carrammelda, tragamerda, travajoni Frases si fait cussas mobenterias dhu strecu che unu carrabbusu! ◊ unu carrabbusu est cucurumedhendhe ◊ isputzidos carrabbusos girant su mundhu issoro in su piúere! Terminologia iscientìfica crp, scarabaeus sacer, s. laticollis; geotrupes sardous; copris hispanus, c. lunaris; ceratophyus hiostius Tradutziones Frantzesu scarabée Ingresu dung beetle Ispagnolu escarabajo Italianu scarabèo stercoraro Tedescu Roßkäfer.

carragàrra , nm Definitzione bobboi niedhu chi allòmborat e orrúmbulat su ladamíngiu de is animales Sinònimos e contràrios carrabbusu, carrammelda, tragammerda, travajoni Frases marxani famiu podit iscabbulli calincuna castangiola, calencunu carragarra e calencuna preta… Terminologia iscientìfica crp Ètimu srd. Tradutziones Frantzesu scarabée Ingresu beetle Ispagnolu escarabajo Italianu scarabèo Tedescu Skarabäus.

carravàtzu, carravàtzulu , nm Definitzione genia de bobboi Sinònimos e contràrios carrabbusu, carrammelda, tragammerda, travajoni Frases canno bi est su carravatzu impicatu torrat su bentu Terminologia iscientìfica crp Tradutziones Frantzesu scarabée Ingresu beetle Ispagnolu escarabajo Italianu scarabèo Tedescu Skarabäus.

carrintólu , nm: corrintolu 1, corritolu 1, curretolu, curritolu Definitzione babboi de soli, genia de bobboi niedhu a corros longos (mescamente su mascu) totu nodighedhos: ponet sa cria e creschet in sa linna, mescamente de crecu, essit in su beranu, bolat, est longu unos chimbe o ses centímetros Sinònimos e contràrios bellatzonca, broca 1, cincicorru, cincimurru, cirumàulu, corriluna, corrimpala, pesabesa, pesaperda, terriolu, tintirriolu, tzichirriolu, tzintzurriolu / cdh. tzilimbrinu Frases ciughet su coro niedhu che corritolu ◊ su carvonarzu est garriau de terra e niedhura: paret unu corritolu Terminologia iscientìfica crp, cerambyx cerdo, c. scopolii Ètimu srd. Tradutziones Frantzesu cérambyx Ingresu kind of beetle Ispagnolu algavaro Italianu ceràmbice Tedescu Bockkäfer.

corrimpàlas , nm Definitzione genia de bobboi, che unu carrabbusu, chi portat coment'e unu corru in mesu de conca Sinònimos e contràrios boedomasu Terminologia iscientìfica crp Ètimu srd. Tradutziones Frantzesu scarabée Ingresu single-horned beetle Ispagnolu escarabajo Italianu scarabèo unicòrno Tedescu Nashornkäfer.

partabúdiga , nf: pertabúdiga, petabúdica, petabúdida, petabúdiga, pretabúdida Definitzione genia de bobboi de colore agiummai niedhu chi faet in is domos si dhue at umidore, in tretu iscurosu Sinònimos e contràrios apeta, babbalocu, babbarrotu, babbasaju, brabeta, buvone, cadalana, candhulitu, fèlega, gríglia, patedha, paulina, perta, sasàgia, scarfajoni, súliga Frases ses una petabúdida ischifosa, niedha e putzinosa! ◊ tui no ti fetzas bí, ca paris una petabúdiga! ◊ streca cussa petabúdica! Terminologia iscientìfica crp, blatta orientalis Ètimu srd. Tradutziones Frantzesu blatte Ingresu beetle Ispagnolu cucaracha negra Italianu blatta Tedescu Küchenschabe, Kakerlak.

patèdha , nf: petedha, pratedha, pretedha Definitzione genia de bobboi niedhudu chi faet in logos úmidos, aintru de domo asuta de móbbiles Sinònimos e contràrios apeta, babbalocu, babbarrotu, babbasaju, cadalana, candhulitu, fèlega, partabúdiga, paulina, perta, sasàgia, scarfajoni, súliga Frases su pastori cun lestresa nci dhi torrat a iscutullai sa pedra manna asuba e dh'istrecat che patedha Terminologia iscientìfica crp, blatta orientalis Ètimu srd. Tradutziones Frantzesu blatte Ingresu beetle Ispagnolu cucaracha negra Italianu blatta Tedescu orientalische Küchenschabe.

sasàgia, sasàja , nf: sesaja, sesaxa, sisàgia, sisaja, sisaza Definitzione genia de bobboi niedhudu chi faet in is domos chi dhue at umidore: essit addenote / pàrrere una sasàgia imboligada in pabilu (nau de cc.)= bestidu chentza crabbu Sinònimos e contràrios apeta, babbalocu, babbarrotu, babbasaju, buvone, cadalana, fèlega, melaghe, partabúdiga, paulina, perta, scarfajoni, súliga Frases mi so a una parte remunidu comente solet fàghere sa sesaja ◊ est unchinada che sesuja, che unu titone de muja e che sesaja niedha ◊ si fateit niedhu che sisaja timendhe d'èssere postu in cantonella Terminologia iscientìfica crp, blatta orientalis Tradutziones Frantzesu blatte Ingresu beetle Ispagnolu cucaracha Italianu blatta Tedescu Kakerlak.

«« Torra a chircare