Ditzionàriu in línia
de sa limba e de sa cultura sarda

babbarrótu , nm: bobborotu, bobborroti, bobborrotu, bobborrotzi Definitzione fèlega, genia de bobboi niedhudu chi faet in logos de umidore, mescamente aintru de domo inue essit a denote, de colore agiummai niedhu / bobborrotu de balla = aberigúngia Sinònimos e contràrios babbasaju, brabeta, buvone, cadalana, candhulitu, garrapiu 1, melaghe, partabúdiga, patedha, paulina, sasàgia, scarfajoni, súliga Frases sos bobborrotos si firmabant e lassabant su trabballu ◊ su gorropu est unu furriadorzu de istrias, acoilat bobborrotis e tirpias ◊ bi ndh'at de bobborrotzis in su padente!… Terminologia iscientìfica crp, blatta orientalis Ètimu srd. Tradutziones Frantzesu blatte Ingresu beetle Ispagnolu escarabajo, cucaracha Italianu scarafàggio Tedescu Küchenschabe, Kakerlak, Schabe.

babbasàju, babbasàu , nm Definitzione genia de bobboi niedhudu chi faet fintzes in is domos si dhue at umidore, asuta de is móbbiles Sinònimos e contràrios babbalocu, babbarrotu, buvone, cadalana, fèlega, garrapiu 1, melaghe, partabúdiga, paulina, perta, sasàgia, scarfajoni, súliga Terminologia iscientìfica crp, blatta orientalis Ètimu srd. Tradutziones Frantzesu blatte Ingresu cockroach Ispagnolu escarabajo, cucaracha Italianu blatta, scarafàggio Tedescu Küchenschabe, Kakerlak, Schabe.

cadalàna , nf, nm: cadalanu, cadarana, cadelana, cadelanu, cagalanu Definitzione genia de bobboi niedhudu chi faet in is domos si dhue at umidade Sinònimos e contràrios apeta, babbalocu, babbasaju, brabeta, buvone, candhulitu, fèlega, gríglia, melaghe, partabúdiga, patedha, paulina, perta, sasàgia, scarfajoni Frases cadelanas niedhas, sutzadores de sàmbene faineris, torrade addaisegus! (G.Fiori) Sambenados e Provèrbios smb: Cadalanu, Cadelanu Terminologia iscientìfica crp Tradutziones Frantzesu blatte Ingresu beetle Ispagnolu escarabajo Italianu blatta Tedescu Kakerlak.

ladèdha , nf Definitzione preugu ladu, genia de bobboi pitichedhu chi faet in tretos pilosos de sa carena; in cobertantza, persona iscioloriada e ifadosa mala a iscabbúllere; a logos est una pedrighedha ladita po giogare 3. sa ladedha est una codighedha istrecada e unu depet intzertare e chie dha giughet in is manos unias in mesu de is benugos Terminologia iscientìfica crp, phtirius pubis Tradutziones Frantzesu blatte, morpion Ingresu crab (louse) Ispagnolu ladilla Italianu piattóne Tedescu Filzlaus.

partabúdiga , nf: pertabúdiga, petabúdica, petabúdida, petabúdiga, pretabúdida Definitzione genia de bobboi de colore agiummai niedhu chi faet in is domos si dhue at umidore, in tretu iscurosu Sinònimos e contràrios apeta, babbalocu, babbarrotu, babbasaju, brabeta, buvone, cadalana, candhulitu, fèlega, gríglia, patedha, paulina, perta, sasàgia, scarfajoni, súliga Frases ses una petabúdida ischifosa, niedha e putzinosa! ◊ tui no ti fetzas bí, ca paris una petabúdiga! ◊ streca cussa petabúdica! Terminologia iscientìfica crp, blatta orientalis Ètimu srd. Tradutziones Frantzesu blatte Ingresu beetle Ispagnolu cucaracha negra Italianu blatta Tedescu Küchenschabe, Kakerlak.

patèdha , nf: petedha, pratedha, pretedha Definitzione genia de bobboi niedhudu chi faet in logos úmidos, aintru de domo asuta de móbbiles Sinònimos e contràrios apeta, babbalocu, babbarrotu, babbasaju, cadalana, candhulitu, fèlega, partabúdiga, paulina, perta, sasàgia, scarfajoni, súliga Frases su pastori cun lestresa nci dhi torrat a iscutullai sa pedra manna asuba e dh'istrecat che patedha Terminologia iscientìfica crp, blatta orientalis Ètimu srd. Tradutziones Frantzesu blatte Ingresu beetle Ispagnolu cucaracha negra Italianu blatta Tedescu orientalische Küchenschabe.

sasàgia, sasàja , nf: sesaja, sesaxa, sisàgia, sisaja, sisaza Definitzione genia de bobboi niedhudu chi faet in is domos chi dhue at umidore: essit addenote / pàrrere una sasàgia imboligada in pabilu (nau de cc.)= bestidu chentza crabbu Sinònimos e contràrios apeta, babbalocu, babbarrotu, babbasaju, buvone, cadalana, fèlega, melaghe, partabúdiga, paulina, perta, scarfajoni, súliga Frases mi so a una parte remunidu comente solet fàghere sa sesaja ◊ est unchinada che sesuja, che unu titone de muja e che sesaja niedha ◊ si fateit niedhu che sisaja timendhe d'èssere postu in cantonella Terminologia iscientìfica crp, blatta orientalis Tradutziones Frantzesu blatte Ingresu beetle Ispagnolu cucaracha Italianu blatta Tedescu Kakerlak.

scarfajòni , nm: iscarfone, scarrafone, scrafajoni, scrafioni Definitzione bobboi niedhu, mannu cantu sa conca de su pódhighe mannu, chi format bòcias de sa brutesa de cuadhu, de boes e molentes po dhue pònnere is oos; a logos dhu narant a sa musca chi curret a is boes; genia de bobboi chi faet in is logos úmidos, asuta de trastos aintru de domo Sinònimos e contràrios carrabbusu, carrammelda / babbarrotu, babbasaju, cadalana, partabúdiga, paulina, perta Frases gei est berus ca su càvuru fait sa befa a su scrafajoni: mellus tui ti creis? Terminologia iscientìfica crp Ètimu ltn. *scarafone Tradutziones Frantzesu blatte Ingresu blackbeetle Ispagnolu cucaracha Italianu scarafàggio Tedescu Schabe.