aiscultàre, aiscurtàre , vrb: ascultare, ascurtae, ascurtai, ascurtare, ascurtari Definitzione giare atentzione o parare s'origa a su chi s'intendhet a bíere it'est cun precisione; pònnere mente a su chi narant, o a unu, acuntentare a unu po su chi pedit / impr. ascú! (= ascurta!) Sinònimos e contràrios acrustare, isciurtare Frases chini andat ascurtendu de muru in muru, de is malis suus no si nd'incurat ◊ no l'aiscultedas nemmancu, a issu! ◊ ascú, no mi la peses tantu arta ca mi ndhe andho, mih! ◊ intendhet ma no ascurtat, no! ◊ a issu dhu depeis ascurtae! 2. a ti ndhe irbulas de preigare: tantu za ti ascurtat, fizu tou!… Ètimu ltn. a(u)scultare Tradutziones Frantzesu écouter, satisfaire Ingresu to listen, to satisfy Ispagnolu escuchar, atender Italianu ascoltare, esaudire Tedescu zuhören, erhören, befriedigen.

isciurtàre , vrb: iscultare, iscurtai, iscurtare, scurtai Definitzione giare atentzione o parare s'origa a su chi s'intendhet po bíere it'est cun precisione Sinònimos e contràrios acrustare, aiscultare* Frases chie rispondhet innantis de iscurtare est macu de ligare ◊ intendhet ma no iscurtat! ◊ iscas chi deo, pro no isbagliare, faedho pagu ma isculto meda (Tucone)◊ chie no isciurtat mama andhat imbola imbola! (A.Marceddu)◊ candho su poeta cantat sa gente isciurtat ◊ no arrennesciat a si trantziri de pitzus de su ponti, incantau castiendu e iscurtendu Tradutziones Frantzesu écouter Ingresu to listen Ispagnolu escuchar, oír Italianu ascoltare Tedescu hören.

«« Torra a chircare