aiscultàre, aiscurtàre , vrb: ascultare, ascurtae, ascurtai, ascurtare, ascurtari Definitzione giare atentzione o parare s'origa a su chi s'intendhet a bíere it'est cun precisione; pònnere mente a su chi narant, o a unu, acuntentare a unu po su chi pedit / impr. ascú! (= ascurta!) Sinònimos e contràrios acrustare, isciurtare Frases chini andat ascurtendu de muru in muru, de is malis suus no si nd'incurat ◊ no l'aiscultedas nemmancu, a issu! ◊ ascú, no mi la peses tantu arta ca mi ndhe andho, mih! ◊ intendhet ma no ascurtat, no! ◊ a issu dhu depeis ascurtae! 2. a ti ndhe irbulas de preigare: tantu za ti ascurtat, fizu tou!… Ètimu ltn. a(u)scultare Tradutziones Frantzesu écouter, satisfaire Ingresu to listen, to satisfy Ispagnolu escuchar, atender Italianu ascoltare, esaudire Tedescu zuhören, erhören, befriedigen.

ascúrtu , nm: iscurtu Definitzione su ascurtai; mescamente s'usàntzia de andhare a primu note in is agrugaduras de is orrugas ascurtandho, a iscúsiu, su chi narat sa gente, si faet a ndhe bogare un’augúriu o ccn. singiale / fai s'ascurtu = istare iscurtendhe, dare tentu a iscurtare, andhare a iscurtare Sinònimos e contràrios ascurtamentu, auditu, iscoca Frases fiat a s'ascurtu de dogna profetzia 2. tzia Rosa no at tentu coru de portai aintru s'augúriu malu de s'ascurtu Ètimu srd. Tradutziones Frantzesu écoute Ingresu listening Ispagnolu escucha Italianu ascólto, audizióne Tedescu Zuhören.

«« Torra a chircare