Legenda Incurtzaduras | Legenda Sìmbulos

arriscàda , nf: arriscara Definitzione su arriscare, su fàere un'arriscu Sinònimos e contràrios aconcada, arriscamentu, atrivimentu Frases ibeto de fàere cust'arriscada ◊ un'arriscada si podet pagare cara! ◊ no faciast arriscaras! Ètimu srd. Tradutziones Frantzesu risque, hasard Ingresu risk Ispagnolu riesgo Italianu azzardo Tedescu Wagnis.

arriscàdu , pps, agt: arriscatu, arriscau Definitzione de arriscare; chi costumat a arriscare, chi andhat a logu de perígulu, a fàere cosa perigulosa, de pòdere tènnere dannu Sinònimos e contràrios aconcaditu, aconcadore, aconcudu, arriscanti, atreviu, conchedha, sconcau, tastilau / cdh. scapicudhatu | ctr. timarosu, timigiolu 2. si ndi pesat unu, prus arriscau de is àterus, e partit ◊ fit zente corazosa e arriscada ◊ in mari cussa pipia est tropu arriscada: bandat a s'àcua arta! Terminologia iscientìfica ntl Tradutziones Frantzesu hasardé, risqué Ingresu risky Ispagnolu arriscado Italianu azzardato, azzardóso, spericolato Tedescu gewagt, wagenmütig, wagehalsig.

arríscu , nm: erriscu, riscu Definitzione perígulu de àere dannu o calecunu male, nau fintzes in su sensu de atrivimentu a fàere cosa perigulosa Sinònimos e contràrios pergiudísciu Maneras de nàrrere csn: pònneresi in arriscos; èssiri in arriscu de… = èssere in perígulu de…; arriscu de… = in perígulos de… Frases mi so bidu in malu arriscu: pro cussu, si bi torro, mezus tuco chin su cabadhu de Santu Frantziscu (A.G.Solinas)◊ s'arriscu giughet a fungudos isetos de pena ◊ si ponet in arriscu chircandhe s'iscusórgiu! 2. no seu seguru aintru miu de fai cust'arriscu! 3. arriscu de t'ingolli tui puru! Ètimu ctl., spn. arrisc, arrisco Tradutziones Frantzesu risque Ingresu danger Ispagnolu riesgo Italianu ríschio Tedescu Gefahr.

azàldu , nm: azardu Definitzione su fàere calecuna cosa perigulosa, su arriscare Sinònimos e contràrios arriscu / abbaldansa, alidantza, atrevimentu, balia, coragi, iscòcoro Tradutziones Frantzesu risque, hasard Ingresu hazard Ispagnolu riesgo Italianu azzardo Tedescu Risiko.

mazadínu , nm Definitzione prova difícile, de arriscu Ètimu srd. Tradutziones Frantzesu épreuve, risque Ingresu trial Ispagnolu prueba, desafío Italianu ciménto Tedescu Wagnis.

«« Torra a chircare