Ditzionàriu in línia
de sa limba e de sa cultura sarda

afíssu , pps, agt Definitzione de afíere; chi est meda in pagu logu, chi no faet giogu, no movet / istare in afissu = in tropu in pagu tretu, a cracu Sinònimos e contràrios calcu, ispremu, sizidu, sízigu, sucicu | ctr. làschiu, sciagu Frases cussa cosa est lasca ca bi l'as afissa male ◊ apo afissu sos bullones 2. est unu bellu gurdoni afissu ◊ sa domo est minore, nois semus in medas e istamus in afissu ◊ sa mossa muntenet sa cosa afissa, frimma de no si mòere Ètimu ltn. affixus Tradutziones Frantzesu pressé, serré Ingresu pressed Ispagnolu apretado Italianu strétto, comprèsso, pigiato Tedescu Zusammengepreßt.

apretàdu , pps, agt: apretau Definitzione de apretare; chi est in apretu, in bisóngiu mannu, chi dhue at presse Sinònimos e contràrios apretosu 2. su cadhu mi at leadu sa manu e mi so àpidu apretadu a mi che imbolare a terra ◊ mi so àpidu apretadu a bèndhere su bestiàmine ◊ unu si est apretadu tenet presse meda 3. sa cosa est apretada e non potzu prescindi mancu una dí ◊ no trascuris de ti curai ca sa cosa est apretada! Tradutziones Frantzesu pressé Ingresu forced by need Ispagnolu apretado, en apuros Italianu costrétto, incalzato dalla necessità Tedescu aus Notwendigkeit gezwungen.

catigamúru , nm Definitzione gente a meda in pagu logu, a càtzigu Sinònimos e contràrios apretone, arrufa, catigammuntone Ètimu srd. Tradutziones Frantzesu cohue, presse Ingresu throng Ispagnolu gentío, muchedumbre (f) Italianu calca Tedescu Gedränge.

cracangiàu , agt Definitzione chi est meda, a istrintu agiummai coment'e cracau; nau de gente, a carcadripa, a meda in pagu logu Sinònimos e contràrios afissu, cracau, stibbiu Frases fiant totus istibbaus e cracangiaus apari po podi biri su chi sucediat Ètimu srd. Tradutziones Frantzesu serré, pressé Ingresu pressed Ispagnolu acinado Italianu pigiato Tedescu gedrängt.

cracàu , pps, agt Definitzione de cracai, de -are 1 / èssiri a itzugu c. = nau de ccn. chi portat su tzugu curtzu meda, coment'e aciuvau Sinònimos e contràrios incarcau, istibbidu / acragadu 2. custu est piriciou chi apu cracau dèu ◊ bivint a coru cracau de unu calacorru de axiu ca no est seguru su cras ◊ Turcus e Morus, che frumi calau, a cuadhu si ghetant, a isproni cracau (M.Maxia)◊ est tonta cracada custa picioca! 3. fut cun sa berrita cracada in faci ◊ cussu est a itzugu cracau Tradutziones Frantzesu pressé, serré, caillé Ingresu pressed, curdled Ispagnolu pisado Italianu pigiato, quagliato Tedescu gedrückt.

limonàda , nf Definitzione bufóngiu fatu cun abba e súciu de limone / l. longa = lena, fata cun abba sobrada, tropu Sinònimos e contràrios cdh. limunata, ttrs. limunada Frases bufadí una limonada, chi ti podit assentai s'istògumu! Terminologia iscientìfica bfg Tradutziones Frantzesu citronnade, citron pressé, limonade Ingresu lemonade Ispagnolu limonada Italianu limonata Tedescu Zitronenlimonade, Zitronenwasser.

pressósu , agt Definitzione chi tenet presse meda: si narat prus che àteru candho sa presse no est su chi serbit e mescamente candho si tenet coment'e naturale Sinònimos e contràrios adheriosu, furighedhosu, impressidu, impressighinidu | ctr. immajonadu Frases cessandhe est s'Ave e che divinu incantu abbivandhe s'est totu in allegria: s'aera, ancora lughente a porfia, piús pressosa est mudandhe mantu (A.Serra)◊ passendhe, su tempus est pressosu! ◊ ita cosa cust'abbisita pressosa?! Sambenados e Provèrbios prb: cane pressosu catedhu aurtidu ◊ sa cani pressosa fait canixedhus tzurpus Terminologia iscientìfica ntl Ètimu srd. Tradutziones Frantzesu pressé Ingresu hurried Ispagnolu apresurado, presuroso Italianu frettolóso Tedescu eilig.

supressúra , nf Definitzione coment'e supressadura, unu male chi pesat, chi sighit Sinònimos e contràrios afissa, astrinta Ètimu srd. Tradutziones Frantzesu presse, cohue Ingresu grasp, throng Ispagnolu apretón, gentío Italianu strétta, calca Tedescu Gedränge.

tilpiàdu , pps, agt Definitzione de tilpiare Sinònimos e contràrios afissu / cdh. tzilpiatu Tradutziones Frantzesu pressé Ingresu squeezed Ispagnolu estrujado, exprimido Italianu strizzato, spremuto Tedescu ausgewrungen, ausgepreßt.