Ditzionàriu in línia
de sa limba e de sa cultura sarda

bibidòre , agt, nm: bidore, bidori, vividore 1 Definitzione chi o chie bufat cosa meda cun àrculu Sinònimos e contràrios bufadore Frases est unu bibidore e candho est in tropa no lassat iscopile chene bisitau Ètimu ltn. bibitore(m) Tradutziones Frantzesu buveur Ingresu drinker Ispagnolu bebedor Italianu bevitóre Tedescu Trinker…, Trinker.

bufadòre, bufadòri , agt, nm Definitzione chi o chie bufat binu (o àteru cun àrculu), chi dhu tenet de abbitúdine a bufare meda; fodhitu o cannedhu buidu po surbare su fogu, aina po surbare (fintzes faendho bentu a ventàgliu) e a logos fintzes pertighedha chi s'intrat in sa pedhe, in su tretu de s'annoigadórgiu de mesu camba de unu pegus de iscorgiare, po dhu surbare e tirare sa pedhe cun prus facilidade Sinònimos e contràrios bibidore, inciumidore, trincadore / butatza, suladore Frases sos chi sunt deabberu bufadores cherent binu 2. dèu papau in su mentris chi ajaja cun su bufadori suàt in su fogu po callentai sa minestra ◊ su fogu s'isventagliada cun su bufadori de palla po dh'allui Ètimu srd. Tradutziones Frantzesu buveur Ingresu drinker Ispagnolu bebedor Italianu bevitóre Tedescu Trinker

inciumidòre , nm: inciummadore Definitzione chie bufat (binu) meda Sinònimos e contràrios bibidore, bufadore, trincadore Ètimu srd. Tradutziones Frantzesu gros buveur Ingresu drunkard Ispagnolu cuba Italianu beóne Tedescu Trinker.

ticajólu , agt Definitzione chi dhi praghet su ticu (de su binu), chi costumat a bufare Sinònimos e contràrios imbreacone, mufosu Ètimu srd. Tradutziones Frantzesu gros buveur Ingresu drunkard Ispagnolu aficionado al vino Italianu beóne Tedescu Trinker.

trincòne, trincòni , agt, nm Definitzione chi o chie bufat binu a meda Sinònimos e contràrios bibidore, bufadore, inciumidore, trincadore Ètimu itl. trincone Tradutziones Frantzesu gros buveur Ingresu boozer Ispagnolu cuba, aficionado al vino Italianu beóne Tedescu Säufer.