Legenda Abbreviazioni | Legenda Simboli

atonàdu , pps, agt: atonau Definizione de atonare 1; chi est in su tonu giustu, nau de sa boghe, de su càntigu; chi arrespondhet a tonu 2. sa boghe sua atonada faghet allegrare ◊ Sardigna istimada, ti cantu de coru cun boxi atonada ◊ est atonadu su cantare meu pro fiorire coros in armonia? Traduzioni Francese juste (voix) Inglese in tune Spagnolo afinado Italiano intonato Tedesco richtig singend.

cabàle , agt Definizione chi leat o balet su matessi tanti, chi torrat apare, chi tenet sa matessi mannària, artària, chi est cantepare, fintzes chi est totunu / dare contos cabales = precisos, giustos Sinonimi e contrari cantepare, giustu, guale Frasi nois duos no semus cabales ◊ teniat unu giú, una prendha: fint duos boes cabales ◊ a totu su mundhu at brotadu frutu de gràtzias cabale ◊ no est semper chi su resultadu est cabale a su disizu Etimo ctl., spn. cabal Traduzioni Francese exact Inglese right, o.k Spagnolo cabal Italiano esatto, giusto, pari Tedesco richtig, gleich.

giústu , agt, nm: zustu Definizione chi o cosa chi torrat apare cun àtera, chi andhat bene, chi est fata a dovere, chi no dhue at isbàgliu e ne fàula; nau de gente, chi o chie faet sa cosa giusta, chi no ofendhet e ne faet male o dannu a nemos, chi no faet partzialidades: su giustu, nau de su fàere, sa cosa giusta, su chi andhat bene (pl. sos giustos = cudhos chi faent bene, in manera giusta)/ sa giusta (nadu in cobertantza) = carabbineris, pulitzotos, zustíssia, sa morte; manu g. = dereta, destra Sinonimi e contrari adecuadu / cabale / rajone | ctr. doltu, toltu / fadhidu, irballadu, iscassu Frasi coment'est beru ca si agatat Deu, su chi naro est giustu e no est fàula! ◊ no seu s'ómini giustu po chistionai de mei ◊ Giusepi fut ómini giustu ◊ est giustu a nai ca teneus de imparai is piticus de is mannus e is mannus de is piticus ◊ est giustu chi is Sardus afesteus a Sant'Efis ◊ as detzídiu sentza de isciri si cussa est s'istrada giusta ◊ giustu seti funt 2. is dícius agiudant a bíviri in su giustu ◊ no seu beniu po tzerriai is giustus, ma is pecadoris 3. Chichinedhu, sa giusta est arribbendi: ispesarí! 4. funt is ses passaras e no si bit ancora: no mi dha contat giusta, si depit èssi firmau a bufai! Etimo ltn. iustus Traduzioni Francese impartial Inglese fair Spagnolo justo Italiano giusto, rètto, imparziale Tedesco richtig, gerecht.

«« Cerca di nuovo