Ditzionàriu in línia
de sa limba e de sa cultura sarda

barduangionínu , nm: carduangioninu Definizione una calidade de cardu pitichedhu, a fògias ingespiadas de colore biancu in sa costa, bona a papare, bona fintzes a mòrrere su late (su frore, una cranciofedha pitichedhedha de colore orrosa): dhi narant puru cardu o cardixedhu de pastori, cima de cibiru e spina bianca Sinonimi e contrari aldubbiancu, aldubintu Terminologia scientifica rba, Galactites elegans Traduzioni Francese chardon laiteux, carline Inglese carline Spagnolo cardota Italiano scarlina Tedesco eine Eberwurzesorte.

batalímba , nf: batilimba, batilinga Definizione genia de erba (e frutu puru) bona po fàere tinta orrúbia, tinta de sorixedha, po tínghere orrobba o fintzes àteru (a s'arraighina a logos dhi narant intinta) Sinonimi e contrari arrúbbia, atzotalimba, ciorisedha, colalati, orighedha 1, pigalati, ratalimba, rúgia Terminologia scientifica rba, Rubia peregrina Etimo srd. Traduzioni Francese garance Inglese kind of madder Spagnolo rogeta Italiano róbbia selvàtica Tedesco eine Krappsorte.

bentítzu , nm: bintitzu Definizione genia de linna chi faet a cannàile longu longu, finedhedhu in is puntas prus artas e noàdiles, ma grussu fintzes cantu su bratzu in partes prus bàscias (e coment'e ispòngia in mesu, tanti chi a ndhe surbare unu bículu sicau passat s'ària, o su fumu si est allutu): si che artzat a pitzu de is matas e che dhas carràgiat puru Sinonimi e contrari alúsara, bidighignu, bintirinzu*, elighinzu, filichinzu, intretzu, mussòrgia, pidighinzu, reti, tintiritzu, tretzu Terminologia scientifica mt, Clematis cirrhosa Traduzioni Francese clématite Inglese clematis Spagnolo vidalba Italiano vitalba flòrida Tedesco eine Waldrebesorte.

bisèra , nf: visera Definizione genia de faciola de linna chi si ponent is mamutzones a carrasegare; istrópiu malu; bregúngia, befa / fàghere a b. = istrupiai, fai a una befa, a bregúngia Sinonimi e contrari allera, arréula, atrecu, befa, ciacota, cionfra, deleu, dellezu, dríngula, iscàranu, mofa, siera Frasi li pariat de aer bidu ómines in pedhes e cun sa bisera in cara 2. no faghes isbàgliu si amore e trabàgliu oferis candho unu bides a bisera (I.Virdis)◊ no est bestidu a lussu e ne a bisera ◊ bona parte de gai l'ant finida: in sas tupas lassèndhebbi sa vida fragassados e fatos a bisera (G.Virdis)◊ nos faghent a bisera ca medas si ndhe afutint de sas lezes ◊ ndhe ant bogadu a Barabba, e a Cristos l'ant fatu a bisera ◊ sas batulinas mi ant fatu su bestire a bisera Etimo itl.t visiera Traduzioni Francese masque Inglese mask Spagnolo máscara Italiano màschera carnevalésca Tedesco eine Faschingsmaskesorte.

bísonas , nf pl: bísunas, písonas Definizione genia de launedhas a duas cannitas, chentza su tumbu Sinonimi e contrari bisones, bísosas, launedhas Terminologia scientifica sjl Etimo ltn. bisonus Traduzioni Francese cornemuse a deus tuyaux sonores Inglese double reed-pipe Spagnolo gaita de dos tubos Italiano zampógna rùstica a due canne Tedesco eine Panflötesorte mit zwei Pfeifen.

bunnànneru , nm Definizione erba de Bunnànnaru, genia de erba fragosa a frores grogos: crammédiu de istrópios (ca sanat is segadas) Terminologia scientifica rba, Teucrium flavum Traduzioni Francese germandrée jaune Inglese oakling Spagnolo teucrio amarillo Italiano querciòla maggióre Tedesco eine Gamandersorte.

burraciarèsti , nf Sinonimi e contrari linguaradaresti Terminologia scientifica rba Traduzioni Francese buglosse Inglese bugloss Spagnolo buglosa Italiano buglòssa Tedesco eine Anchusasorte.

ciapuédhu, ciapulédhu , nm Definizione min. de ciapu, ma mescamente genia de macarrone: is ciapuedhus o tzapuedhus funt macarrones fatos a manu, de chivarzu (ma no solu), orrughedhos de pasta alladiada segada a orrughedhos Frasi a papai eus fatu ciapuledhus a casu furriau Traduzioni Francese genre de pâtes courtes Inglese a kind of macaroni Spagnolo clase de pasta corta Italiano un tipo di pasta córta Tedesco eine Art Makkaroni.

discumbidài , vrb Definizione nàrrere o giare a ischire chi su cómbidu o brindhu no si faet prus, o chi a su cómbidu no si dhue andhat Frasi mi seu discumbidau e no dhoi andu Traduzioni Francese révoquer, annuler une invitation Inglese to cancel Spagnolo desconvidar Italiano revocare o disdire un invito Tedesco eine Einladung absagen.

duruddúru , nm Definizione duru duru, genia de foedhu chi si narat a càntigu / cantare a d. Sinonimi e contrari dudhurudhuru Frasi cantare a durudduru ◊ durudduru durusedhu, sas campanas de Castedhu las sonant a su manzanu! ◊ ballamus cudhu antigu durudduru ◊ a durudduru, tzia Mariola, che li at boladu su culu su bentu… Etimo srd. Traduzioni Francese cantilène Inglese singsong Spagnolo cantilena Italiano cantilèna Tedesco eine Geleiersorte.

duruddúru 1 , nm Definizione pisu de coloru, de cuadhu 2. est amargu chei su durudduru Terminologia scientifica rba, Vicia benghalensis Traduzioni Francese vesce sauvage Inglese kind of vetch Spagnolo arveja roja, veza púrpura Italiano véccia selvàtica Tedesco eine wilde Wicke.

efèdra , nf Definizione genia de matighedha chi faet in logos de mare, bona po cura Terminologia scientifica mt, Ephedra distachya Traduzioni Francese arbuste du genre Ephedra Inglese ephedra Spagnolo belcho Italiano uva marina Tedesco eine Ephedrasorte.

èlema , nf Definizione genia de erba chi faet in oros de mare in terra salamata e chi ponent po chistire imbodhigada sa birímbua cota orrostia o budhia: cun cust'erba faent sa merca Sinonimi e contrari atzibba, elimedha Terminologia scientifica rba, Atriplex portulacoides Traduzioni Francese pourpier des mers Inglese kind of vervain Spagnolo verdolaga marina Italiano porcellana di mare Tedesco eine Salzmeldesorte.

elimèdha, elimédhu , nf, nm Definizione genia de erba chi faet in oros de mare in terra salamata e chi ponent po chistire imbodhigada sa birímbua cota orrostia o budhia Sinonimi e contrari èlema, atzibba Terminologia scientifica rba, Atriplex portulacoides Traduzioni Francese pourpier des mers Inglese kind of vervain Spagnolo verdolaga marina Italiano porcellana di mare Tedesco eine Salzmeldesorte.

erbapicigòsa , nf Terminologia scientifica rba, Ononis viscosa Etimo srd. Traduzioni Francese brugane visqueux Inglese sticky restharrow Spagnolo pegajosa Italiano teriaca Tedesco eine Hauhechelsorte.

esópu , nm: isopu 1*, issopu 2 Definizione genia de erba fragosa chi creschet a tupighedha, bona po fàere profumos e sabones Sinonimi e contrari timu, tumbu Terminologia scientifica rba, Coridothymus capitatus Traduzioni Francese thym Inglese thyme Spagnolo tomillo Italiano timo Tedesco eine Thymiansorte.

esópu 1 , nm: isope Sinonimi e contrari mammuleu Terminologia scientifica rba, Micromeria graeca Traduzioni Francese hysope Inglese hyssop Spagnolo hisopo Italiano issòpo Tedesco Wilder Ysop, eine Satureisorte.

fallàda , nf: fellada, velada Definizione bestimentu: ispétzia de corpitu chi usant is féminas e chi si portat chentza abbutonare Terminologia scientifica bst Etimo itl. velada Traduzioni Francese casaque Inglese bodice Spagnolo corpiño de mujer abierto Italiano giubbettóne delle dònne Tedesco eine weibliche Westesorte.

feridòri 1 , nm: vedidore Definizione astoredhu, astoritu feridore, genia de pigione mannu: una calidade si agatat in Sardigna e Córsica ebbia Sinonimi e contrari ispaderi, spraberi Terminologia scientifica pzn, accipiter nisus, a.n. wolterstorffi Traduzioni Francese épervier d'Europe, épervier de Sardaigne Inglese eurasian sparrowhawk Spagnolo gavilán Italiano sparvièro, sparvièro di Sardégna Tedesco Sperber, eine Sperbersorte.

ferulagasàri , nf Definizione feruledha de àinu, de casu, una calidade de feurra Sinonimi e contrari ciciriopis, feruledhagàsina, feurrabburda, feurredha, fraudha Frasi at atzapatu un'istérrita de feruledha casari e una mola de tuntunnu fríghidu Terminologia scientifica rba, Thapsia garganica Etimo srd. Traduzioni Francese thapsia Inglese thapsia Spagnolo tapsia Italiano tàpsia Tedesco eine Steckenkrautsorte.