cesúra , nf: (sa cesura = nr. sacesúra) chejura chesura, chexura, chijura, chisura 1, chixura, crasura, crasuri, cresuna, cresura, cresure, cresuri, crexura, crijura, crisura, crisuri, crixura, crujura Definizione genia de serru fatu mescamente de cosa chi creschet a sola o prantada apostadamente (cresura bia), o fintzes ponendho totu de longu in terra o in pitzu de unu muru sida segada (cresura morta); a logos, orrugu o tretu de terrenu serrau po pònnere a ortalítzia Sinonimi e contrari crisaju, cungiadura, serru / oltu / barasone, raspisone / campu Modi di dire csn: èssere a cresura in mesu = (nadu de terras) tènniri is terras acanta de pari; gratzu de crujura = tupisone, berrisone; cresura de apostizu = impizadura, berrisones postos subra de unu muru pro serrare de prus Frasi sa bíngia est serrada a cresura ◊ sos puzones sunt in sas chijuras ◊ imbenteusí cresuris noas, ma de froris! ◊ Barbàgia, isorve onzi cadhu ferradu: crijura no lu bortet e ne muru! ◊ ndhe ant leau sa pronitza de sa cesura ◊ sos muros de sa tanca fint chin sa cresura de apostizu subra, frimmada chin sas pedras 2. a sa britzicreta si aiat ligatu unu gratzu de crujura e botedhos ◊ aiat fatu abbanna sa crujura de s'àitu ◊ fit a gherra chin d-una tupa de crujura 4. ci cras no proet, aus a annare a sa cresure Terminologia scientifica srr Etimo ltn. clausura Traduzioni Francese haie, enceinte Inglese fence Spagnolo seto (m), cercado (m) Italiano sièpe, recinzióne Tedesco Zaun.

iscungiàre , vrb: iscunzare, scungiai Definizione tròchere o trantzire sa cungiadura de unu muru, de una cresura, apèrrere su logu Sinonimi e contrari abbèrrere, ischesurare | ctr. cugnare, serrai Etimo srd. Traduzioni Francese enlever l'enceinte Inglese to take fencing away Spagnolo descercar Italiano tògliere la recinzióne Tedesco den Zaun wegnehmen.

paliciàda , nf: palitzada Definizione genia de muru fatu a puntedhos, o fintzes cun pedra, terra; a logos dhu narant de unu terrenu in costera in calada meda Sinonimi e contrari sticaja, tròcia / costera Etimo itl. Traduzioni Francese palissade Inglese fence Spagnolo valla, empalizada Italiano palizzata Tedesco Palisade, Zaun.

«« Cerca di nuovo