drúce , agt, nm: druche, druchi, druci, drussi, drutzi, dulche, dulci, durce, durche, durci, durtze Definizione genia de sabore che a su chi tenet su tzúcuru, ma si narat fintzes de papare unu pagu bambu; cosa a papare fata cun tzúcuru o mele; foedhandho de sentidos, o àteras cosas chi no podent tènnere sabore ma un'idea de bonu, praghillosa, si narat prus che àteru dulce, dultze (in poesia, ma no in su foedhare ordinàriu) Sinonimi e contrari dulle, gulce | ctr. maricosu, rànchidu / sabiu Modi di dire csn: dulcis de acotza = cussus chi si faint cun sa forma e benint imbodhiaus cun sa pasta de tzúcuru e sa gomma, cun su prenimentu de méndula; ómini dulci de sali = bambiocu, de pagu zudíssiu; ómini de àcua dulci = bucamindotu, creijolu; abba durche = abba de funtana, de riu, de lagu, projana, chi zughet pagos sales e mescamente pagu cloruru de sódiu (ctr. abba salida, de mare) Frasi sa figu est dulci dulci ◊ comente est durche su mele ti siat durche sa vida! ◊ de cantu est durtze est fintzas isàpidu 2. ant fatu sos durches pro s'isposonzu ◊ apustis manigadu ant bogadu sos durches ◊ afentzandhe cudhos drutzis si dhos papaiat cuntentu ◊ sas pitzocas si funt postas a fàere pane e drutzis Cognomi e Proverbi prb: a s'istògomo est durche su chi est ràntzigu a buca Terminologia scientifica sbr Etimo ltn. dulce(m) Traduzioni Francese doux, gâteaux Inglese sweet, sweetmeat Spagnolo dulce, dulces Italiano dólce, dolciume Tedesco süß, Süßspeise, Süße.

drucúra , nf: dulciura, dulcura, durciura, durcura, dultzura Definizione su èssere druche de una cosa, su sabore druche e fintzes sa cosa druche, is druches chi si faent po papare; tratamentu chi praghet, su bonu fàere chi giaet cuntentesa, sa cuntentesa etotu Sinonimi e contrari druchesa, druciori / druce / contentu | ctr. marigosori, ranchidore / amalgura Frasi est che abe atacada a sa drucura ◊ de durcura no ndhe tenet, custu frutuàriu ◊ tra chiriasa e fémina interessat su colore piús de sa dultzura ◊ sa mama est totu dulcura e amore chin sos fizos 2. at fatu sas durcuras pro Pasca: casadinas e pitzinnedhas de obu ◊ s’abe che essit dae su moju pro carrare sa dultzura 3. in dultzura si giambat dogni fele ◊ mi ant prenadu su coro de durcuras ◊ bola columba de paghe, dulcura gighe a sos coros! (S.Bertulu)◊ ti apo acollidu che amigu atzetendhe durcuras e carinnos ◊ sorti e dultzuras no si ammanchit mai! Etimo srd. Traduzioni Francese douceur Inglese sweetness Spagnolo dulzura Italiano dolcézza Tedesco Süße.

«« Cerca di nuovo