Ditzionàriu in línia
de sa limba e de sa cultura sarda

acornóu , nm: connou Definizione dolore, dispraxere mannu, pena forte Sinonimi e contrari congòscia, coroju Traduzioni Francese deuil, douleur profonde Inglese mourning, condolence Spagnolo duelo, pesar Italiano lutto, cordòglio Tedesco Trauer, Kummer.

afàsciu , nm Definizione genia de suferéntzia, de dispraxere Sinonimi e contrari afannu, agiu, anneu, axiori, iscancagori, matana Traduzioni Francese angoisse Inglese anguish Spagnolo angustia Italiano ambàscia Tedesco Kummer.

aflissiòne , nf: aflitzioni, afriscione, afrissione, friscione Definizione su èssere o istare afligios, dispràghios meda, fintzes in poberesa; sentidu de istima, de ispédhiu Sinonimi e contrari abbatimentu, acoradura, acronnoadura, afrigimentu, pesari, scoramentu, triltura / dolu | ctr. conciolu Frasi goi in aflissione sempre tristu in disconsolu so vivindhe (A.Dettori)◊ difendeinosí in is perígulus, consolainosí in is aflitzionis! ◊ totu sos poveritos sunt mandrones, pro sos atatos, ca no ant connotu fàmene, afannos e aflissiones (P.Mereu)◊ ti saludo cun meda afrissione ◊ s'afriscione mia no cunfido cun àtere ◊ est andhadu a visitare una domo, ca bi aiat grandhe afrissione 2. cussu est de tímere a frea: est sempre in gherra e no at afriscione mancu pro sa répula sua etotu ◊ pro sos collegas mios de iscola tenzo istima e afriscione Etimo spn. aflición Traduzioni Francese affliction Inglese affliction Spagnolo aflicción Italiano afflizióne Tedesco Kummer.

atrafúdhu , nm: atrufudhu Definizione su atrufudhare, s’atrufudhamentu chi faet sa cosa; genia de dispraxere po calecuna cosa Sinonimi e contrari abbródhiu, annógiu, bischiza, bústica, istrugnu, labbrione, pussàgiu / pesadura Etimo srd. Traduzioni Francese renflement, souci Inglese swelling, worry Spagnolo hinchazón, disgusto Italiano rigonfiaménto, crùccio Tedesco Anschwellung, Kummer.

connóu , nm: acornou* Definizione dolore, dispraxere mannu, pena forte Sinonimi e contrari acronnoadura, congòscia, coroju Frasi ti paret una bijone chi finat connou e disaogu, làgrimas e lutos ◊ tropu so istadu pro te in grave pérdida e connou (P.Mossa)◊ ohi, coro pienu de connou! Traduzioni Francese affliction, angoisse Inglese affliction Spagnolo aflicción Italiano afflizióne, angòscia Tedesco Kummer, Angst.

dolóju , nm Definizione dispraxere mannu Sinonimi e contrari abbatimentu, aflissione, afrigimentu, dolentia, dolu, pesari, scoramentu, triltura Frasi agàbbala cun custu doloju e allègradi, carchi borta! ◊ ti afligis tropu cun custos dolojos! ◊ su bículu de sas camijas… no si bi connoschet pijas: cussu puru mi est doloju! ◊ as piantu a muzere tua cun dolojos e suspiros Traduzioni Francese affliction Inglese affliction Spagnolo aflicción Italiano afflizióne Tedesco Kummer.

fràzu , nm, agt Definizione su bènnere mancu de sa cosa posta a fàere una faina, trebballu, isfortzu, e fintzes su pentzare cun dispraxere a calecuna cosa chi no andhat bene; chi est frazadu Sinonimi e contrari consumu / dispiachere, impudu Frasi restant de afidare luego, cun pagu frazu, ca, tantu, sa picioca puru est chena parentes ◊ bi ant fatu abbusos, frazos, dannos ◊ làssala inoghe a manigare, a fiza tua, no tet èssere su frazu de!… 2. bestit frazu e lutuosu mantu Cognomi e Proverbi prb: male cuadu, frazu de pubidha Etimo srd. Traduzioni Francese usure, souci Inglese wearing out, grief Spagnolo desgaste, disgusto Italiano logorìo, crùccio Tedesco Abnutzung, Kummer.

iscancagòri , nm Definizione dannu o dispraxere chi ndhe faet iscancare su coro Sinonimi e contrari axiori, congòscia, connou, iscancamentu, poscore Traduzioni Francese angoisse Inglese anguish Spagnolo angustia Italiano ambàscia Tedesco Kummer.