Ditzionàriu in línia
de sa limba e de sa cultura sarda

brògna, bróina , nf: brónnia, brugna, brúina, brúngia, brúnia, brúnnia, búrnia Definizione istrégiu de terra, a buca larga e tundha (e tundhu su fundhu), cun duas o bàtoro asas piticas, po pònnere cosa (olia cufetada, tamatas a pilladra); in calecunu logu est s'istrégiu po còere sa cosa; dhue at logu chi sa bróina est una genia de taschedha de cosa téssia de ingòllere a su sartu cun su papare / conca 'e bróina = nadu de ccn., chi est chentza cabu, pagu de zudu Sinonimi e contrari brúgnula, conzedha / padedha, pignada Frasi seo cambiandho s'abba a sa brúngia de s'olia ◊ sa brúnia nostra manna leat unos oto litros ◊ s'aremigu iat aprontau una brogna prena de dinai e si dh'iat presentada Terminologia scientifica stz Etimo ctl. burnía Traduzioni Francese jarre Inglese jar Spagnolo jarra Italiano giara, órcio Tedesco Krug.

congiàli , nm: conzale, cungiabi, cungiali Definizione genia de istrégiu de terra o de imbidru a pònnere abba o àteru / min. cungialedha, cungiabedhu; terra cungialis = terra luzana, bona pro isterzu Sinonimi e contrari brocalitu, cognu, congedhu, cungiou, piceri Frasi aproillamus a su magasinu e si ponemus de arrógliu cun su cungiali de su binu in sa mesa ◊ poita bufas a cungiali?! Terminologia scientifica stz Etimo srd. Traduzioni Francese broc, cruche, chope Inglese tankard Spagnolo jarro Italiano boccale Tedesco Krug.

conzèdha , nf Definizione genia de istrégiu de terra a bàtoro asas; una perra de su corgiolu de sa nughe e fintzes su corgiolu de s'ou apustis essiu su pudhighinu; a logos est ferru (sonàgia) chi si apicat in su tzugu a is animales, po sonare, o fintzes casigiolu Sinonimi e contrari bróina Terminologia scientifica stz Etimo srd. Traduzioni Francese petite jarre Inglese small pitcher Spagnolo pequeña jarra Italiano pìccolo órcio Tedesco kleiner Krug.

giàra 1 , nf: giarra 1, zara 1 Definizione genia de istrégiu mannu de terra, a costaos artos e a buca larga, fatu coment'e a brúngia cun bàtoro asas Sinonimi e contrari giorra, giru Frasi bi aiat ses giarras de pedra de guasi chentu litros onzuna Cognomi e Proverbi smb: Giara Terminologia scientifica stz Etimo itl. giarra Traduzioni Francese jarre Inglese jar Spagnolo jarra Italiano giara Tedesco Krug mit vier Henkeln.

giòrra , nf: zorra Definizione genia de istrégiu mannu de terra, fatu coment'e a brúngia cun bàtoro asas Sinonimi e contrari giara 1 Frasi oe cussos sinnos sunt sidhados ch'in sa giorra de s'istória s'aunint (A.Porcheddu)◊ ch'est intro de s'ostera bufendhe dai oltaedie, solu che giorra arrunzada in unu chizolu Terminologia scientifica stz Etimo itl. Traduzioni Francese jarre Inglese jar Spagnolo jarra Italiano giara Tedesco Krug mit vier Henkeln.

màniga 3 , nf: màriga Definizione genia de istrégiu de terra, tundhu, a bentre in mesu, cun duas asas (a logos: brotzuitus) de mesania a su tzugu, a buca istrinta, po abba Sinonimi e contrari broca, pitzaredha Modi di dire csn: pròiri a màrigas = pròere a dellúbbiu; marighedha de carrúciu = maschinganna, morisca créschida in mesu de sa tàula; s'eca de is màrigas = zenia de armàriu a pònnere sas brocas de s'abba; segai sa marighedha (in suspu)= fai su scioncu, fuire su cadhu, imprinzare innantis de isposare, sendhe fidantzados; su giogu de is marighedhas = zenia de zogu de pisedhos chi si ponent unu pagu apispirinados e cun sas manos in chitu a zisa de broca: àteros duos colant, la tochedhant in conca e si no faghet sonu de cannidura si che leant sa 'marighedha' tenta a sas asas fintzas chi agguantat chentza… si segare Frasi ci funt pòburus chi non tenint casi casi àcua in sa màriga Cognomi e Proverbi smb: Maniga, Manigas, Mariga Terminologia scientifica stz Etimo srdn. Traduzioni Francese broc, cruche, amphore Inglese pitcher Spagnolo jarra, jarro Italiano bròcca, ànfora Tedesco Krug.

zíriu , nm: giru, síriu 3, ziru Definizione genia de istrégiu mannu de terra pruschetotu po pònnere e chistire s'ógiu Sinonimi e contrari giara 1, giorra Frasi depiat piscai s'àcua de bufai a cracidas po prèniri is màrigas e is zirus ◊ teniat s'ozu in su ziru e su trídicu in su sacu ◊ tenet sos ziros prenos de binu ◊ fit unu zíriu mannu pienu de monedas de oro ◊ su ziru nou drinniat che càmpana Terminologia scientifica stz Etimo itl. ziro Traduzioni Francese jarre Inglese pitcher Spagnolo tinaja, orza Italiano órcio Tedesco Krug.

zirixèdha , nf Definizione zíriu piticu Traduzioni Francese petite jarre Inglese small pitcher Spagnolo tinaja pequeña Italiano orciòlo Tedesco kleiner Krug.