Ditzionàriu in línia
de sa limba e de sa cultura sarda

abbasciàda , nf: abbasciara, abbassiada, basciada Definizione su abbasciare; nau mescamente de logu o tretu chi andhat de unu puntu artu a unu prus bàsciu, ma fintzes de su cambiamentu de sa boghe o de su sonu / donai s'a. a sa balantza = pèrdere sa passéntzia candho no si ndhe podet prus de agguantare Sinonimi e contrari abasciadroxa, achirradorzu, acirrada, betada, cabada, caladògia, falada, faladorza / menguada | ctr. alciada, pigadorza Frasi custu Castedhu totu artziadas e abbasciadas bocit s'ómini! ◊ po intrai a merau dhoi at un'abbasciara manna Terminologia scientifica slg Etimo srd. Traduzioni Francese descente Inglese slope Spagnolo bajada Italiano discésa Tedesco Abhang.

achirradórju, achirradórzu , nm: achirriadorju, achirriadorzu Definizione passadórgiu, calada mala, forte; genia de fustigu chi cun s'ispada mantenet tirau e firmat s'ixubru de su telàrgiu Sinonimi e contrari abbasciada, acirrada, betada, cabada, caladògia, falada, faladorza / serradógiu, tostadore | ctr. alciada, pigadorza Terminologia scientifica slg Etimo srd. Traduzioni Francese pente très inclinée Inglese headlong descent Spagnolo pendiente escarpada Italiano discésa precipitósa Tedesco steiler Abhang.

betàda , nf Definizione su betare; logu chi faet andhandho e calandho prus a bàsciu Sinonimi e contrari abbasciada, achirradorzu, acirrada, cabada, caladògia, falada, faladorza, ghetada, pendheu | ctr. alciada, pigadorza Modi di dire csn: logu, caminu, cabertura in b.; èssere a b. de manu = bènnere a betu, andai bèni a…; b. de manu = manu de agiudu, agiudu, su fai calincuna cosa de trabballu, trabballu: segundu comenti si narat, abbilidadi; b. de sa buca = zúdigu, crítiga, bodheta Frasi dare consizos gratis, giudigare sunt a betada de manu de sas pessones, però àtera cosa est su operare! (Z.Zazzu)◊ bi ndhe cheret, betadas de manu, pro fàghere domo! 2. in custas betadas za curret sa màchina! 3. arratza de betada de manu chi zughet, cussu zòvanu: faghet totu in lestresa e bene! Terminologia scientifica slg Etimo srd. Traduzioni Francese pente Inglese slope Spagnolo pendiente Italiano pendìo, china Tedesco Abhang.

còlta , nf: costa Definizione in sa carena, donniunu de is ossos longos chi de s'ischina fúrriant e si benint apare in petorras formandho sa càscia: pl., donniuna de is duas bandhas de sa carena in sensu manca/destra; foedhandho de erbas a fògia larga, sa fògia etotu mescamente su tretu de mesu, inue est prus grussa; de un'istrégiu, sa parte chi si pesat de su fundhu fintzas a is oros; logu largu meda e in calada, pala manna de unu monte / min. costizola Sinonimi e contrari coltazu, fiancu / costalla, crosta / incosta / costale, costera, cugutada, pala, trempada Modi di dire csn: costas curtzas = sas costas chi no torrant a su petorru, sas prus in bassu; costas tinniadas = cannidas; rúere a costa longa = rúere a longu, de pàrrere corcadu, istiradu; costas apari = a costazu, a fiancu de pare; a costas de… = a costazu, a fiancu de…; ghetaisí una cosa de pala in costas = dae pala in codhu, lassare chi la fetat s’àteru o fintzas betare sa curpa s'unu a s'àteru; fuedhai, ríere in costas = crebare; essire dae costas = (nadu cun fele) ispèndiri de buciaca; essíreche palabala costagosta, in costas de pinnetu, de mandra = arrispúndiri ma no a tonu, fuedhendi de àteru, nàrriri chentza de nàrriri, essiri in coranta mois; parare sa costa a unu = fai s'ala o amparai a unu; costa soliana, costa umbrosa = pala de monte a cara a mesudie, a cara a su nord; andai costa costa = in logu de costera, essire in paris, andhare in paris Frasi est romasu cadidu chi si li contant fintzas sas costas ◊ comente est rutu si at cannidu duas costas ◊ est faladu a terra a costa longa che unu buatone! 2. in costas si lu depiant tzacare su fogu! ◊ fipo isterjolau in terra a costa longa ◊ ca fipo istracu mi so corcatu costas a terra 3. si su fogu est tropu artu brúsiat sas costas de s'isterzu ◊ sas costas de su sedatu si sunt segadas a fortza de lu manizare 4. comente faghet a costa su logu, sa terra fuit a zosso ◊ in sas costas a cara a sole bi pigat pàsculu prus bonu ◊ cun sos benujos frazados giómpidos semus in chima de sa costa 5. est andhadu a chircare costas de aldureu 6. funt ghetendisí sa curpa de palas in costas ◊ gei as a fuedhai, mancai in costas! ◊ candho lu apo dimandhadu de sa chistione ch'est essidu pala pala, costa costa ◊ si mi fato àteros bestires, dae costas ti essit?! ◊ che ses essindhe in costas de pinnetu: torramus a su chi fipo nandhe! Cognomi e Proverbi smb: Costa Terminologia scientifica crn, slg Etimo ltn. costa Traduzioni Francese côte (anat.), côte versant (géo.) Inglese rib, hillside Spagnolo costilla, cuesta, vertiente Italiano còstola, còsta, pendìo alquanto estéso, versante Tedesco Rippe, Abhang.

costàle , nm Definizione logu mannu in costa, in calada Sinonimi e contrari colta, costera, costile, cugutada, pala | ctr. paris Frasi est andhau a chircare linna in su costale ◊ in custos costales niedhos no bi atichit puas de vida! Terminologia scientifica slg Etimo srd. Traduzioni Francese pente Inglese slope Spagnolo pendiente (f), cuesta (f) Italiano pendìo Tedesco Abhang.

cugutàda , nf Definizione su logu in costera totu comente andhant is montes Sinonimi e contrari colta, costale, costera, palinzu | ctr. paris Etimo srd. Traduzioni Francese pente, côte Inglese hillside Spagnolo pendiente, cuesta Italiano pendìo, costièra Tedesco Abhang.

parendadhài , nm Definizione in logu de monte, de serra, sa costera de s'àtera parte (sa chi no si biet), o fintzes afache (inue faet a badhe) Etimo srd Traduzioni Francese côte, versant Inglese hillside Spagnolo vertiente Italiano versante Tedesco Abhang.

pendhéu , nm Definizione logu chi no est in paris, chi faet andhandho e abbasciandho a una bandha Sinonimi e contrari abbasciada, betada, caladògia, falada, ghetada, pendenti | ctr. paris / alciada, pigadorza Frasi innoghe su terrinu est in pendheu, in cue si bi agatat carchi paris ◊ che sunt falados in su pendheu de su montigru Etimo srd. Traduzioni Francese pente Inglese slant Spagnolo pendiente Italiano pendìo Tedesco Abhang.

péndhinu , nm, agt: péndinu Definizione logu chi no est in paris, chi faet andhandho e abbasciandho a una parte / èssere in p. = menguante, menguadho, andhandho male Sinonimi e contrari falada, pendéntili, pendheu | ctr. alciada, ampuada, picada, pigadorza Frasi sa costera àrtziat unu bell'arrogu cun d-unu péndinu longu e addasiau 2. aiat unu grabbu de faedhare chi faghiat pensare a sa zente nóbbile, ma unu pagu coment'e in derruta, in péndhinu (P.Fogarizzu) Terminologia scientifica slg Etimo srd. Traduzioni Francese pente, déclive Inglese declivity Spagnolo declive, pendiente Italiano declìvio, declive Tedesco Abhang, sanft abfallend.