Ditzionàriu in línia
de sa limba e de sa cultura sarda

bollònca , nf: buglianca, bullanca, bullonca, bulluca Definizione busciuca o bubburuca de abbruxadura, de sabone, de abba, de salia; fintzes fruschedha, gurone Sinonimi e contrari bobbollonca, bubbulica, bubburuca, buciuca, bodhonca, fiodha, ilfiodha, impudha / babballuca Frasi in manu zuchiat una bollonca chi si at fatu fachendhe unu zirante ◊ est cun sas ancas prenas de bolloncas ca nch'est colau in mesu de s'urtiga ◊ rimédios e ispannos sanant dogni bullanca ◊ is bullucas s'isciopant 2. sas leadas in giru chi mi as fatu sunt bullancas de sabone! ◊ su pisci est annadendi fadendi bullucas in sa bratzita ◊ sighit cun is ogus su fui fui de bulluchedhas de saboni Etimo srd. Traduzioni Francese cloque, bulle, ampoule, vésicule Inglese small blister Spagnolo burbuja, ampolla Italiano bólla, vescichétta Tedesco Blase.

bumbúlla , nf Definizione ispétzia de grobbuledhu chi faet s'abba candho proet o candho budhit in sa pingiada; buciuchedha chi faet sa pigota o un'abbruxadura / pesai sa b.; bumbulledha prena de àcua; b. de àcua cun saboni Sinonimi e contrari bobbollonca, bollonca, bubbulica, buciuca, bulluca, burbudha, ilfiodha Frasi sa pigota fait bumbullas ◊ is bumbullas dhas fait su pani chi no est bèni axedau Etimo srd. Traduzioni Francese cloque, bulle, ampoule Inglese small blister, bubble Spagnolo burbuja Italiano bólla, vescichétta Tedesco Blase.