Legenda Abbreviazioni | Legenda Simboli

aferradórzu, aferradróxu , nm Definizione tretu a ue si leat una cosa; aina po aferrare e istrínghere calecuna cosa Sinonimi e contrari picadorzu Etimo srd. Traduzioni Francese poignée Inglese handle Spagnolo agarradero Italiano impugnatura, struménto per afferrare Tedesco Handgriff.

aíma , nf: aina Definizione css. trastu chi serbit po giare (prus che àteru a is manos) capacidade o prus capacidade de fàere unu trebballu / genias de a.: po segare (es. lepa, bistrale/segure, fórtighes/ ferros, serra), umprire (es. terudha/turra, pala, cullera), acropare (es. martedhu, massa), púnghere e istampare (es. sula/lésina, agu), mòvere sa terra (es. marra), arrasigare (es. lima, raspa, pedra de arrodare), mantènnere (es. pintza, tonàgia)/ sa domu de is ainas = logu ue si arrimant sas ainas; boltàresi a sas aimas suas = agatare rimédiu in su chi unu tenet etotu, arrangiaisí a solu Sinonimi e contrari adressu, aímine, alàscios, ferramenta, traste Frasi me in su programma de sa computera dhoi est s'istrexu de is ainas ◊ candho un'aina est impitada male, sa faina essit istropiada ◊ custus duus bendiant ainas de sa messarítzia: furconis, pértias de istrúmbulu e forcidhas ◊ acuta sas aimas! Cognomi e Proverbi prb: is ainas faint is fainas Etimo ctl. ahina Traduzioni Francese outil Inglese tool Spagnolo utensilio, herramienta Italiano utensile, struménto Tedesco Gerät, Werkzeug.

aímine, aíminu , nm Definizione totu su chi podet èssere cunsiderau aina, ma nau fintzes cun significau prus largu de css. imbentu chi serbit a un'iscopu Sinonimi e contrari adressu, aima, alàscios, ammàniu, ferramenta Frasi ancu andhent in fumu totu sos aímines de gherra! Etimo srd. Traduzioni Francese outil, engin Inglese device, implement Spagnolo herramienta, utensilio Italiano attrézzo, struménto, ordigno Tedesco Gerät, Werkzeug.

istruméntu , nm: istrummentu, strumentu Definizione documentu púbblicu chi faet su notàriu e narat de chie est unu bene; css. aina, aparíciu, machinàriu po fàere ccn. cosa / i. musicale = aina fata apostadamente po sonare música, de genia diferente segundhu ite dha faet sonare (a sulu a o bentu, de linna o de otone; a iscudidura, a cropos, es. is tumbarinos) Sinonimi e contrari atu, paperi / aina, aparéciu, machinàriu Frasi su notàriu pro su sodhu sa lira nos at leadu, sempre e candho at capitadu de fàghere carchi istrumentu ◊ su notaju de istrumentos frassos fit dispostu a ndhe fàghere cantos ndhe li pediant Etimo itl. strumento Traduzioni Francese acte notarié, instrument Inglese notarial act Spagnolo escritura, acta notarial Italiano atto notarile, struménto Tedesco notarielle Urkund, Instrument.

«« Cerca di nuovo