Ditzionàriu in línia
de sa limba e de sa cultura sarda

aredhàre , vrb Definizione essire asciutu meda, sicau, fàere a crosta Sinonimi e contrari aghedhare, ansare, carasare Etimo ltn. *arellare Traduzioni Francese dessécher Inglese to dry (up) Spagnolo secar Italiano inaridire, disseccare Tedesco ausdörren, trocknen.

arridàe, arridài, arridàre, arridàri , vrb: arritare Definizione fàere o essire àrridu, fàere sa cosa deasi sicada chi si segat luego po dha tocare, o tostada, ma fàcile a fàere a farinos Sinonimi e contrari ansare, carasare, turrai Frasi at arridau duas fitas de pani in sa braxa ◊ su soli pitziosu àrridat is ispigas ◊ s’astrau àrridat fintzas s’erba ◊ in istiu sa terra si àrridat de su sole forte Etimo srd. Traduzioni Francese dessécher Inglese to dry (up) Spagnolo secar Italiano disseccare, essiccare Tedesco trocknen.

aturrài 1, aturràre , vrb: turrai* Definizione pònnere in su fogu sa cosa fintzes chi essit assada, in colore de castàngia, passada a fogu, àrrida de si segare cun facilidade atrotigandhodha o pistandhodha; in cobertantza, fintzes fàere a zigota, a befa, pigare a boghes, intzirigare / èssere aturra aturra = apunta a brigare, megai de certai Sinonimi e contrari ansare, arridae / incidai Frasi fiu in coxina ghetendinci in d-unu paperi s'orxu chi iu aturrau ◊ aturrare su pane, sa pobassa ◊ su corpus de fizu meu l'azis lassadu supra de sos rocarjos, a l'aturrare soles e bentos ◊ as aturradu su papassinu tostu che sa preda! 2. sa genti fiat aturrendi a s'àrbitru Traduzioni Francese dessécher, torréfier Inglese to roast Spagnolo desecar, tostar Italiano disseccare, torrefare Tedesco austrocknen, rösten.