abbadiàda , nf: abbaidada Definizione su castiare, su furriare is ogos a castiare, su castiare a sa lestra Sinonimi e contrari annotada, castiada, cumpassada, mirada, ocrada Frasi dàeli un'abbaidada a cussa cosa! ◊ l'at sighida cun s'abbaidada e l'at bida bolendhesiche ◊ bi aiat totu unu troboju de abbaidadas pro fàghere a cumprèndhere a su cumpanzu su vàgliu e rivàgliu, zoghendhe a cartas ◊ s'abbaidada de cussu corvu naraiant chi batiat disaura Etimo srd. Traduzioni Francese coup d’oeil Inglese glance, peep, check Spagnolo ojeada, mirada, vistazo Italiano guardata, scórsa, sbirciata, contròllo Tedesco Durchsicht.

abberguàda , nf: avilguada Definizione su abberguare, averiguai Sinonimi e contrari avilguamentu, iscumprou / abbaidada, castiada 2. su peíderu si deit un'avilguada a su catechismu ◊ iscanzeit su balconitu pro dare un'avilguada a sa die Etimo srd. Traduzioni Francese vérification, contrôle Inglese verification Spagnolo averiguación Italiano verìfica, contròllo Tedesco Prüfung.

castiàda , nf: castiara Definizione girada de ogos po abbaidare calecuna cosa / èssiri in castiaras cun d-unu o una = abbaidàresi paribari, nadu de duos (ómine e fémina) chi si cherent Sinonimi e contrari abbaidada, annotada, cumpassada, mirada, ocrada, slampiada Frasi sa castiada chi dhi apu fatu si est citiu in truncu ◊ donasidha una castiada, a cussa cosa! ◊ ti movis a passu de pisitu chi mi assogat sa castiada ◊ portàt is ogus che braxas de fogu, sa castiada intradora parriat chi ammainàt 2. filla tua parit chi siat in castiaras cun cussu piciocu Etimo srd. Traduzioni Francese regard Inglese glance Spagnolo mirada Italiano sguardo, contròllo Tedesco Blick, Kontrolle.

compidàda , nf: cumpudada Definizione su compidare, su andhare a bíere, su provare a bíere una cosa o unu logu / dare una c. a…, fàghere una c. a… Sinonimi e contrari abberguada, cómpudu Frasi amus fatu una cumpudada a su locu Etimo srd. Traduzioni Francese contrôle, inspection Inglese inspection Spagnolo inspección Italiano ispezióne, contròllo, sopralluògo Tedesco Kontrolle.

«« Cerca di nuovo