Legenda Abbreviazioni | Legenda Simboli

àglia , nf: alza, àrgia, arza, arxa, àrxara Definizione àrgia ispitzuladora o arza pinta, bobboi malu, arangiolu velenosu chi candho móssigat dolet meda e a tempus longu chi unu agiummai s’imbortighinat: cust'arangiolu faet su niu in terra, in mesu de s'erba, est iscuriosu de colore, portat tréighi marchighedhos orrúbios in sa parte de sa bentre (a parte de pitzu); in calecunu logu su matessi númene dhu narant a una genia de frommiga velenosa ma chi no faet deasi male; a logos narant àrgia a dónnia arangiolu e sa velenosa est ispitzuladora / s'àrgia est de tres arratzas: bagadia (froria, colore de orrosa), cojada (orrúbia), fiuda (niedha) Sinonimi e contrari acuasantera 1, assàrgia, bàrgia* Modi di dire csn: fàghere su ballu de s'arza a unu = fai su ballu pro unu chi dh'at ispitzuau s'àrgia; èssere ferenau che un'àrgia = crependhe de su fele Frasi arza niedha pinta fatesit fizos trinta ◊ mossu de arza, tocu de campana! ◊ s'est sadhiu pariat chi dh'iat puntu s'àrgia ◊ su spítzulu de s'àrgia fait bènni iscimíngius de conca ◊ sa puntura de s'àrgia mascu dolet de prus 2. su ballu de s'arza chi ti fetant! ◊ zai ses maseda… paret chi ti at mossigadu un'arza de ballos! Terminologia scientifica crp, latrodectus tredecim-guttatus, myrmilla erythrocephala Traduzioni Francese veuve noire méditerranéenne Inglese Mediterranean black widow Spagnolo araña sangrienta, viuda negra europea Italiano malmignatta Tedesco Mediterrane Schwarze Witwe.

aragnólu , nm: arangiolu, arangiou, arantzolu, aranzolu, arrangió, arrangiolu, arranzolu, arrengiolu, arringiolu, arrungiolu, ranzolu Definizione genia de bobboi de tantas calidades, totu farrancas (bàtoro paja), su chi faet su tallaranis o napa / arranzolu de s'arza, arangiolu sulau = anzalora; arranzolu vúvulu = iscurpione; arangiolu, aranzolu = una zenia de pische (itl. pésce lupo o spìgola ragno); arrungiolu = a logos, fintzas berme chi ponet a su casu Sinonimi e contrari aragna, arràngiu 2, babbauda, cantupiludu, francadossu, mamarosi, mariavarranca, muldidori, naparràngiu, surbadura / ttrs. tarràncuru Frasi is funnagos funt abarraos prenos de aragnolu, de afrontognos 2. chi benit fillu miu gei ti ndi dhus bogat is arangious! Terminologia scientifica crp Etimo ltn. araneolus Traduzioni Francese araignée Inglese spider Spagnolo araña Italiano ragno Tedesco Spinne.

lànzu 1 , nm Definizione una genia de pische, de petza bona, ma de puntura velenosa Sinonimi e contrari aragna, tràcina Terminologia scientifica psc, trachinus araneus Traduzioni Francese weever Inglese weever Spagnolo pez araña Italiano trachino Tedesco Queise.

surbadúra , nf: survadura Definizione genia de bobboi de tantas calidades, totu farrancas (bàtoro paja), su chi faet su naparangiolu; genia de bobboi chi punghet, velenosu; maladia chi benit a titas a is bacas; puntura de bobbois / surbadura varza = itl. védova néra (latrodectus tredecim-guttatus) Sinonimi e contrari aragnolu, arràngiu 2, babbauda, cantupiludu, francadossu, mariavarranca, muldidori Frasi pro sa surbadura lis naraiant sos berbos: Sa limba si li sichet, su coro li trapasset, sa buca li apabasset! ◊ s’isperrada fut gai manna chi mancu cun su tadharanu de sa survaura rúvia fuo istétiu sanau Terminologia scientifica crp Etimo srd. Traduzioni Francese araignée Inglese spider Spagnolo araña Italiano ragno Tedesco Spinne.

«« Cerca di nuovo