Ditzionàriu in línia
de sa limba e de sa cultura sarda

abrontài, abrontàre , vrb: aprontai, aprontare 1 Definizione pònnere o fàere sa cosa chi podet serbire tempus addenanti Sinonimi e contrari allinzare, ammainare, ammanitzare, apariciai Frasi soe abrontandu unu libbrigedhu de contos ◊ ti dhas aprontu illuegus is cosas chi mi as nau ◊ mi tocat chi apronte un'ammentu in poesia ◊ aprontau chi apa su coginau po porcedhu ciai andu ◊ àchina niedha e figu pasadina aprontat a s'amigu ◊ in su trassintru intrat Pepedhu aprontau a pulire s'istadha ◊ fut arribbandho sa festa e sa gente fut aprontandhosi ◊ a sa vita unu si aprontait chin agasazu e chi… su mazu! Traduzioni Francese préparer Inglese to prepare Spagnolo preparar Italiano approntare Tedesco vorbereiten.

aggruíre , vrb: agruie, alguire, arguire Definizione pigare, aprontare, portare o tènnere su chi serbit po calecuna faina, fàere, achipire faina, ammadurare nau de frutuàriu lompendho Sinonimi e contrari abrontai, ammainare, ammanitzare, apariciai, coviare 1 Frasi aiat induradu dies e dies arguíndhesi e fachèndhesi bellu (A.Deplano)◊ si podet arguire su màndhigu, su letu pro corcare ◊ no ischint comente arguire sa manera pro acurtziare mannos e minores a s'istúdiu ◊ su mastru at arguiu unu giassu in internèt ◊ amus arguiu su campionau de sa murra ◊ issa coitat a alguire su fatu de domo ◊ argúiti ca benit babbu tú! ◊ sunt arguindhe pro andhare a sa festa 2. sa figu ist agruindo a coe Traduzioni Francese preparer Inglese to prepare Spagnolo preparar Italiano allestire Tedesco zurechtmachen.

allinzài, allinzàre , vrb Definizione aprontare o su si aprontare po calecuna cosa; èssere in allinzu, isperare cosa Sinonimi e contrari abrontai, ammainare, ammanitzare, apariciai Frasi allinzadí is alas e bai, bessidinci a passillai! Traduzioni Francese préparer Inglese to prepare Spagnolo preparar Italiano preparare Tedesco vorbereiten.

ammainàre , vrb: ammaniare Definizione pònnere cosa a manera de andhare bene a dha pigare, a dh’aferrare cun sa manu, chi siat pronta a impreare, a si ndhe serbire / ammaniare su bestiàmine = assetiai, fai andai o abarrai pascendi comenti andat bèni a su pastori Sinonimi e contrari abrontai, allinzare, ammanitzare, apariciai, cuncodrai Frasi ammàina su logu ca ispetamus zente ◊ issa ammaniabat su cafè chin sos pistocos ◊ a isse l'ammaniaiant s'allozu e su gustu ◊ su massàgiu ammàniat sos trastos su manzanu chito ◊ sunt ammaniandhe pro su tusinzu Etimo srd. Traduzioni Francese préparer Inglese to prepare Spagnolo preparar, montar Italiano allestire, dispórre Tedesco zurechtmachen.

ammanitzàre , vrb: ammanizare, manitzare 1 Definizione cuncordare, fàere, pònnere cosa acanta o a manera de dha tènnere po dha pòdere pigare, pronta candho o comente serbit a calecuna faina, a un'iscopu Sinonimi e contrari abrontai, allinzare, ammainare, apariciai, axilitae, coviare 1, manuire Frasi za ses impressidu a ti cojare… no ti as ammanitzadu mancu domo!◊ ammanitzamus su logu pro fàghere sa festa ◊ pro semenare cheret ammanitzada sa terra ◊ l'amus ammanizadu nois totu su chi bi cheret ◊ ammanítzadi ca essimus!◊ po aforticare sa dinnidade de su sardu, cheret a dh'ammanizare (P.G.Sedda) Etimo srd. Traduzioni Francese apprêter Inglese to prepare Spagnolo preparar Italiano apprestare, predispórre, preparare Tedesco vorbereiten.

apariciài , vrb: apariciare, aparitzare Definizione pònnere, acostire sa cosa a manera chi bèngiat bene a betu a dha pigare candho e ue serbit, o fintzes su dha fàere, cuncordare a manera chi siat comente serbit; nau de gente, su si cuncordare, bestire, èssere prontos a calecuna cosa / aparitzare sa mesa (pro manigare) = pònnere sos aparitzos, pònniri sa tialla, is pratus, cullieras, tratabbucus, tassas, gortedhus, fruchitas, àcua, binu, pani e àteru Sinonimi e contrari abrontai, allinzare, ammainare, ammanitzare, axilitae, cuncordai | ctr. ispariciai Frasi at apariciau durcis sardus e cosa de bufai ◊ cumentzaus a apariciai sa mesa ca est ora de prandi ◊ ant apariciau sa festa po s'intrada de s'obispu ◊ sas nues fint aparitzendhe abbísciu e abbísciu isteit 2. no ti aparicis ca tanti no ti portu! ◊ so bénnidu aparitzau pro mi chèrrere cunfessare Etimo itl. Traduzioni Francese apprêter Inglese to prepare Spagnolo preparar, poner la mesa Italiano apparecchiare, approntare Tedesco decken, vorbereiten.

archimingiài , vrb Definizione si narat de unu fàere deasi, pagu precisu, fai e fateriai, aprontare po calecuna cosa Sinonimi e contrari altimizare, arminzare, oldinzare, ordimignare Traduzioni Francese préparer, fabriquer Inglese to prepare, to devise Spagnolo preparar Italiano allestire, congegnare Tedesco zurechtmachen, zusammensetzen.

chinchinnàre , vrb Definizione aprontare, cuncordare bene meda, pònnere is chinchinnos Sinonimi e contrari allaputzai, cumpòniri, cuncodrai, mudai Frasi chinchinnare s'aradu pro arare Etimo ltn. concinnare Traduzioni Francese préparer soigneusement Inglese to prepare with ability and care Spagnolo preparar con cuidado Italiano preparare con abilità e con cura Tedesco geschickt und sorgfältig vorbereiten.

codrimingiài , vrb: codromingiai Definizione agiustare, aprontare po calecuna cosa Sinonimi e contrari cuncodrai, conziminare, ordimignare | ctr. isconsiminzare Frasi istau ca no m'iscabbullu de codrimingiai cussu pitzuedhu de arracatu! ◊ est unu giogu codromingiau po bendi cosa ◊ cumentzai a si codromingiai ca s'ora est incarrebendi! ◊ ita anca dhi as a codromingiai a cudhu letu, paris cuncodrendi su seprucu! Etimo srd. Traduzioni Francese préparer, combiner Inglese to prepare, to combine Spagnolo preparar Italiano preparare, combinare Tedesco vorbereiten, vereinigen.

coviàre 1 , vrb: cunviare, cuviare Definizione cuménciare a andhare, fàere su cunviu, su cuménciu de una cosa, aprontare sa cosa de pigare Sinonimi e contrari atelare, comentzari, incomintzae, inghitzai, isprimitziai / ammaniai, ghiai, incarrebai Frasi apo connóschidu albores e interinadas semper prosighindhe a s'atopu cuviadu (F.De Cortis)◊ apo a mandhigare su pane dae sa mesa impromissa cuviada adhàeche ◊ su fogu forroxat e sutzat sas venas in pàstinos de pascionu, die cun die dae sos mannos cuviados 2. sos pitzinnos no sunt ancora mannos: permítimi chi los cresca in santa paghe, chi los cúvie in s'ereta via (Pazzola)◊ no serrat pibiristas istanote sa Luna, ca cúviat sas istellas Etimo itl. conviare Traduzioni Francese préparer Inglese to prepare Spagnolo preparar Italiano preparare Tedesco vorbereiten.

ordimignàre , vrb: ordiminzare, ortomingiai Definizione fai e fateriai, aprontare calecuna cosa ma chentza nudha de precisu; cricare de cuncordare trassa o ingannu a ccn. Sinonimi e contrari altimizare, archimingiai, arminzare, atrapaciare, conziminare, imminzare, intelare 1, oldinzare, ordivinzare, ordoliare, organare Frasi ite as ordiminzadu a chenare? ◊ ite ses ordiminzendhe totu su manzanu a martedhu e serracu? ◊ custa faina dh'apo ordimignada in tres tentighedhas ◊ fuat ferenau po s'ingannu chi dh'iat ortomingiau su fradi! 2. no bi at ànima in ziru: colat petzi una bardana ordiminzandhe disacatos ◊ cussos sunt ingannos bene ordiminzados Etimo ltn. *ordiniare (+arminzare) Traduzioni Francese concevoir, ourdir Inglese to plot, to prepare Spagnolo proyectar, urdir Italiano architettare, ordire, preparare Tedesco ausdenken, schmieden, anzetteln.