Ditzionàriu in línia
de sa limba e de sa cultura sarda

cagaítas , nf pl: calighitas Definizione tzilighitu, su toca toca chi si faet segundhu su tretu de sa carena po fàere erríere a unu chi dhu timet Sinonimi e contrari catigati, chighirighitu, chilighili, chitirighítili, corigori, fallústia, pitigoti, ratapese, sgrighita, sintzirigu, tzilighita, tzillidetzíllighe, tzintzirighilli Etimo srd. Traduzioni Francese chatouillement Inglese tickle Spagnolo cosquillas Italiano sollético Tedesco Kitzel.

chighirighítu , nm: chilighiti, chilighitu, chirigati, chirighitas, chirighiti, chirighitu, crighillita, ghirighita Definizione tzilighitu, su toca toca chi si faet segundhu is tretos de sa carena po fàere a erríere a unu físchidu a su tocamentu Sinonimi e contrari cagaitas, catigati, chilighili, corigori, fallústia, pitigoti, ratapese, sgrighita, sintzirigu, tzilighitas, tzillidetzíllighe, tzintzíligu Frasi ita prexerosu chirighiti mi fais! 2. su ballu melodiosu mi ponit chilighitu Etimo srd. Traduzioni Francese chatouillement Inglese tickle Spagnolo cosquillas Italiano sollético Tedesco Kitzel.

chirighitài , vrb Definizione fàere su chirighiri Sinonimi e contrari tzilighitare, ischizire 1 Etimo srd. Traduzioni Francese chatouiller Inglese to tickle Spagnolo hacer cosquillas Italiano fare il sollético Tedesco kitzeln.

corigóri , nm: corigoru Definizione tzilighitu, su toca toca chi si faet in calecunu tretu de sa carena po fàere erríere a unu físchidu Sinonimi e contrari cagaitas, catigati, chilighili, chitirighítili, fallústia, pitigoti, ratapese, sgrighita, sintzirigu, tzilighitas, tzintzíligu, tzintzirighilli Frasi dia cherrer fàghere su corigori a sos coros ammalmiados dae sa trisura ◊ candho est dormida in paghe, si manu lezera ses, su corigori li faghe in ambas prantas de pes! Etimo srd. Traduzioni Francese chatouillement Inglese tickle Spagnolo cosquillas Italiano sollético Tedesco Kitzel.

ispirtíre , vrb: ispurtire, ispurtiri, spurtiri Definizione sentire coment'e abbruxore, abbruxare, prus che àteru in sa carre, o in buca cun papares budhios; in cobertantza, dispràxere, o fintzes interessare meda Sinonimi e contrari piciai, pistidhire, púnghere / interessai Frasi a chie frigat chibudha dh'ispirtint is ogos ◊ su lati de sa figu ispurtit, fait a iscrafíngiu 2. e ite, t'ispirtit ca su cuadhu tuo no at bínchidu su pannu?! ◊ candu ant circau sa chistioni chi ispurtiat a issus mi ndi seu andau Traduzioni Francese piquer Inglese to tickle, to itch Spagnolo quemar, lampar Italiano mordicare, pizzicare Tedesco beißen.